Pened hiela J. Bodega gasede: Volapükabled Talik 1
Labob stimi lofön ole dünavili flenik oba in cal ko kel volapükazilak madridik ebestimom obi.
Spelob fa ol beni gletik, gönü volapük. Odamanifoböl lesuno tidüpis glatik volapükain tidastids e tidasogs mödumiks, desänob givön, pos tidadüps pläna volapükaglamata, nunodis bibliogafik e statistik püka at. Kludo, oläbob if vilol potön obe samadi vobukas, pämas, gasedas e penädas volapükik e dö volapük, pepüböl fa ol u fa länefiks flens ola, keles komedolös begi oba e nünolös obi suno tefü stad, veitam e mostep datuvama de Schleyer in län olik ed omsik.
If kapälol spänapüki, sagolös osi obe ed opotob ole viliküno laltügi anik spänik.
- Madrid, 1888, 8ul, 26id
Se Volapükabled Tälik 1888, Nüm: 9, Pad: 71.