Pened hiela H. Rönne gasede: Volapükabled Tälik 1
Is in regazif bäledik obas “Trondhjem„ (Trònyäm) volapük ebeginom i vulön, do no mostepom vifiko deno müton gälokön if taelam no binom gletikum, e atos kanos pabevikodön dub vob nefinikün e ledul.
Te pidob, das tim obik binom tu blefik al dunön so mödikosi plo pük äs ävipoböv.
Begino is äbinoms kopanels za 30, kelos no binos so badik e ven klub obas, in ofüden ogetom stabi fümik me kopanals elenadöl, labob speli sefik, das züp ovedom gletikum.
Is vilob dälön obe lenunön bosi, dö kelos i äpenob al söl plofed Heyligers in Antwerpen: niludob, das no binom plagik, das vödapladam in vp binom lefulniko libik, bi atos vedos vemo difik. Volapükels valik sötoms dünlikÜno gebön vödapladami bevünetik in spods kösömik, abu in kan e poed sa vobuks patik votik kanom pagivön lib lefulnik in vödapladam.
- Trondhjem (Novegän), 1888, 1ul 15id.
Se Volapükabled Tälik 1888, Nüm: 2, Pad: 15.