Pened hiela H. Guigues gasede: Volapükabled Tälik 5

From Wikisource
Jump to navigation Jump to search

Lasam valemik volapükakluba flentik ezitom äbalüdelo in konsälöp Saint-Sulpice, in Paris. Pösods lemödik äbinoms plisenik. Bisiedel, söl Lourdelet, epükatom kapäliko dö diseinöf püka sembal valemik in ted e in dustod. Epliedom bizugis volapüka, ebenovipom pakelis zilik ata e efinom sepüköl pidavödis anik tefü deil dokela Allaire.


Söl Kerckhoffs, lepenädan dilsumälik obas, epükatom lonediko e noleliko dö mosteps volapüka in völ lölik, dö okonsälem bevünetik e dö volapük in setopam valemik.


Pükats püköfik söla Lourdelet e söla Kerckhoffs pelásevoms levemo.


Pos liladam plotoga de älasam e lenunoda finanik fa söls Roussel e Le Soudier, lepenädan obsik eplänom seki suköl steifalama telid bevünetik:


Steifals 30 elautoms lifanunodi de Carolus Magnus; 83 elautoms lusagi netik e 35 elautoms konleti tedapenedas.


Volapükaklub flentik egevom könadis 19 e stimanömodis 32.


I. Lifanunod de Carolus Magnus.

Könad.

s. L. Kayser, in Alt-Thann.
s. P. L. Madsen, in Flensburg.
s. K. Nilson, in Ostra-Sallerup.
s. Raimbert, in Châteaudun.

Stimanömod balid.

s. H. Bringmann, in Doveren.
v. A. Daudt, in Darmstadt.
s. I. Kroder, in Hof.
s. H. Meltzer, in Zwickau.
s. Warmoltz, in Eexta.


II. Lusag netik.
Könad.

s. De l'Épine, in Vanves.
s. Deligny, in Saint-Omer.
s. Ch. Devidé, in Wien.
s. A. Ferretti, in Reggio-Emilia.
s. F. Hvass, in Köbenhavn.
s. L. Karl, in Klagenfurth.
s. Licherdopol, in Bucuresci.
s. K. Morgenstern, in Breslau.
s. K. Pozder, in Buda-Pest.
v. Schneider-d'Arno, in Peterwardein.
s. Selegen, in Trostyanez.
s. Tegner, in Wenersborg.

Stimanömod balid.

s. Bertolini, in Torino.
s. H. Bringmann, in Doveren.
s. G. d'Endel, in Lemberg.
s. Haastert, in Rotterdam.
s. I. Hubert, in Darching.
s. L. Kayser, in Alt-Thann.
s. K. Nilson, in Ostra-Sallerup.
s. Raimbert, in Châteaudun.

Stimanömod telid.

s. E. Avot, in Lumbres.
v. Eppert, in Darmstadt.
s. G. Henriclundquist, in Wenersborg.
s. Humler, in Saulgau.
s. P. Kamp, in Cörrenzig.
s. I. K. Payer, in Wien.
s. Plotzek, in Lispitz.
v. Tailleur, in Argenteuil.


III. Konlet tedapenedas.
Könad.

s. H. Bringmann, in Doveren.
s. E. Danelson, in Buffalo.
s. Liedbeck, in Finspong.

Stimanömod balid.

s. P. Kamp, in Cörrenzig.
s. K. Nilson, in Ostra Sallerup.
s. L. Kayser, in Alt-Thann.

Stimanömod telid.

s. M. Becker, in Linz.
s. I. Börner, in Leipzig.
s. I. K. Payer, in Wien.
s. H. Stadelmann, in Zürich-Stäfa.


Söl Kerckhoffs elenunom das sugivs steifalama kilid bevünetik ayela binoms:

  1. Datüv Melopa fa Cr. Colombo (f. 20-30);
  2. Dö flun gebama stema e lektina tefü seten teda e dustoda (f. 5-10).


Penots mütoms pasedön bisiedele volapükakluba flentik, büfü balsul 1id 1889.


Pos sedil könadas al pelorels plisenik, alim emologom kotenik e gälik.


Zu volapükaklub flentik edamanifom, kilul 3id y. a. in Paris, tidüpis lul maniföfik e glatik volapüka.


Tidüps at, ninöföl alim tidadüpis mäl, ozitoms, du mul bal e lafik, in topöps suköl:

1. In tidastid tedelik fa s. Kerckhoffs;
2. ,,    ,,     ,, ,, s. Prescavec;
3. ,, konsälöp St-Sulpice ,, s. Roussey;
4. ,,    ,,      Drouot ,, s. Verdot;
5. ,, bukamavajul ,, s. Guigues.


Äbalüdelo, lilels lemödik äbinoms plisenik in tidüps valik.


Kilul 30id y. a. lusag galänik fa Elie Berthet, pelovepolöl volapüko fa flen obik Ferretti, in Tälän, poliladom maniföfiko e volapüko in konsälöp Saint-Sulpice.


Ksams al dagetön dipedi spodala ozitoms, ofolul 14id, in läns valik Yulopa e Melopa.


Steifalam valemik, bevü volapükels flentik, al dagetön könadis ozitom, olulul 12id, in tidastid tedelik, süt Chaussée d'Antin, 51.

Flentän binom flen nola e mostepa, jelom e pakom volapüki, bi at dalom popes valik sevön, löfön e yufön balvoto.

Paris, 1889, 3ul, 6id.


GUIGUES



Se Volapükabled Tälik 1889, Nüm: 15, Pads: 118-119.