Pened hiela G. Ljusterdal söle: A. de Jong 1

‚Uppsala‛, yan. 29, 1951.

O söl lestümik!

Dani ladlik demü penäd olik e demü Volapükagased!

Nu ebonedob vödabuki e gramati in bukated. Spelob, das okömons suniko. I lägivob tlipi Volapükakluba e -gaseda.

No elautob gramatili svedik, te emenodob püki svedik ona. Kanon-li palemön buki at de ol? E kiöp kanob lemön Volapükamäkis (Volapük: Menefe bal - püki bal)? Viliko labob somis.

Obinob danik, if penol obe dönu!

Ko glid ladlik,

Lj.

(Bi nu studob in niver in Uppsala, labob ladeti nulik.)

Vödem rigädik, neai pepüböl.