Pened hiela G. Liedbeck gasede: Volapük (Guadalajara) 1

SVEDÄN. - Finspong - 1887 lulul 30

Söl löfik,

Sekusadolös plidiko das kanob tö adelo penön denu: demü papakam ai gletikum vpa in Sved emutob lovepolön vödabuki. Edafinob nu vobi at e bükam ebeginom ya. Nolol ya ba das obs svedels nu labobs nogani vpik: söl Säterstrand in Stockholm pübom gasedi vpik vigik e bonedels bleda binoms ya mödik. If vilol, osedob nümi bal. Segun nun keli egetob, vp. ponindukom lesuno in Jul plagik de Kristinchamn as tidayeg. Jul at binom balid in Sved kel nindukom vpi. Bafö!

Glidöl ladlo, aiblibob

D. O.

G. Liedbeck.

Se Volapük: Gased bevünetik tedelik, nolik, literatik e gälodik 1887, Nüm: 6, Pads: 56.