Pened hiela A. de Jong söle: G. Ljusterdal 8

From Wikisource
Jump to navigation Jump to search
‚Leiden‛ 1951 gustul 10.

Nüm: 89.



O flen digik!


Potakadi olik dätü yulul 7 egetob danölo.


Do nu (ün gustul) stebol in ‚London‛ opotob kadi at lü ‚Västerås‛, bi no sevob ladeti nuik ola. Lifädol kluo vakeni olik in zif et! Sevob eli ‚London‛. Binon vemo nitedik, e lüvipob ole stebi plitik us.


Ladeti nulik olik in ‚Uppsala‛ olasumobs klüliko ini nüm balidfovik Vpagaseda.


Steifolös ye ai ad slopükön limanis nulik! Ibä mutobs vedön nämöfiks dub num gretik limanas!


Ko glids flenöfik,

olikan:


Arie de Jong.



Vödem rigädik, neai pepüböl.