Pened hiela A. de Jong söle: G. Ljusterdal 2

From Wikisource
Jump to navigation Jump to search

DR. ARIE DE JONG
PRESIDAN VOLAPÜKAKLUBA VALEMIK NEDÄNIK
SEKRETAN KADÄMA VOLAPÜKA


Nüm: 13.

‚Leiden‛ 1951 febul 1.



O söl lestümik!


Danob oli flenöfiko demü lüsed gespikamäkas mäl.


Fredob, das evedol liman diläda valemik feda Volapükaklubas. Spelob, das okanol tuvön studanis votik, kels i viloms studön Volapüki, dat kanols fünön suno Volapükaklubi valemik Svedänik.


Leigüpü at potob ole as bükots eli ‚Kortfattad Volapük-Grammatik‛ ed eli ‚Lehrbuch der Weltsprache Volapük‛, e lä penedil at läükob Volapükamäkis 100.


Kisi studol-li?


Ko glid ladöfik,

olikan:


Arie de Jong.



Vödem rigädik, neai pepüböl.