Pened hiela A. de Jong söle: G. Ljusterdal 1

DR. ARIE DE JONG
PRAESES SOCIETATIS POLYGLOTTICAE UNIVERSALIS
PRESIDAN KLUBA POLÜGLOTIK VALEMIK

Nüm: 6.

‚Leiden‛ 1951 yanul 22.
‚Herengracht‛: 58.

O söl lestümik!

Dinädü potakad olik dätü d. 17^id amula konsälob ole ad remön eli ‚Wörterbuch der Weltsprache‛ ed eli ‚Gramat Volapüka‛. Kanol sivön bukis bofik medü bukated.

Leigüpü at potob ole nümi lätik „Volapükagaseda“. No vilol-li vedön liman „Diläda valemik feda Volapükaklubas“? Tän getol nomiko gasedi at. Limanamamon binon fl. Ned. 2,50 a yel.

Söl: ‚Johann Krüger‛ ebükom eli ‚Kortfattad Volapük-Grammatik‛. Binol-li utan, kel elautom gramatili at?

Spelob, das ogetob suniko dönu penädi de ol.

Ko glids flenöfik,

Arie de Jong.

Vödem rigädik, neai pepüböl.