Pe boche si schalde il fôr
| Pe boche si schalde il fôr by |
| Prosis Furlanis |
PE BOCHE SI SCHALDE IL FÔR[edit]
Un predi, di chej nestris viêj di une volte, che si impacavin póc di politiche ma che paraltri j volevin ben al lór püar pais, mi à insegnat, cuanch'o jeri frute, a cognosi il valòr di chest provierbi furlan.
Si faseve 1 fens: un chald ch'al brusave l'ânime e lis zornadis plui lunghis dal an. Daspó gustát, cuanch'a jere une cierte ore, chel predi, nasùt contadin, ch'al atindeve ai lavórs de nestre campagne par judà la mé pùare mari restade vedue cunt'une cosse di fruts, al tacave la caretine e, preparât int'un gei un pâr di salams tajâts a fetis, al mi clamave a judalu a dispecolâ uns cuatri mans di pan e po al leve te chânive a jemplá une damijane dal vin plui bon che si veve; al mi faseve meti il gno Chapielut di pae e: "Anin", al diseve, "a Chatà 1 setòrs".
Si rivave sul prat cence incuintra anime vive, che il soreli sbassat al petave di traviers su la tiere infogade e al sveave un nül di tavans ch'a perseguitavin la nestre mule.
In lontan, tra lis viis de jerbe in tài, si viodeve 1 setórs in
ristiel ch'a seavin acanáts.
"Sintistu la mùsiche dai faléuts come ch'a va vie murind?",
al mi diseve... "A fasin apene dusinte, tresinte, e al manche
anchemò un bon cuart di zornade!".
Al dismontave, al deve un gran Sivíl, e dute ché int, lassade la vore, a jerin atór de nestre carete. A ün par un j dispensave un pagnut, un pâr di fetis di salam e une taëute di vin che ur leve par ogni vene.
"Da brávs, corag! Tornait a vore", j diseve e, prin di voltâ la carete, al spietave li sul prât fin che ju viodeve dignúv a tacá.
16
"Sintistu cumô 1 falèuts?... no fasin plui dusinte, tresinte,
ma cuatricent, cincent!..."
E si leve a Chase a preparâur di cene.
17