Pax in nomine Domini

Pax in nomine Domini Marcabrun

Assí comensa de Marcabrú qui fo lo premier
trobador que anc fos.

Pax in nomine Domini.
Fes Marcabrús los mos e'l so;
Auiatz^[1] que di:
Cum nos a fait^[2] per sa dousor
Lo Seignorius celestiaus^[3]
Probet de nos un LAVADOR,
C' anc for outramar^[4] non fon taus,
Endelai envés Josaphat,
E d'aquest de sal nos conort.
Lavar de ser e de maití
Nos deuríam segon razó
Je-us^[5] o afi.
Chascuns a del levar legor,
De mentre qu'el es sas e saus,
Deuria anar al LAVADOR
Que-ns es verais medicinaus,
Que s'abans^[6] anem a la mort
D'aut e saus aurem alberch bas^[7].
Mas escarsedatz^[8] e no fes
Part ioven de son compaignon.
¡Ai cals^[9] dols es
Que tutch volon lai li pluzor
Don lo gazaings es efernaus!
S'ans no correm al LAVADOR
C'aiam la boca ni 'ls oills claus^[10],
Non i a ^[11] un d'orgoil tan gras
C' al morir non trob contrafort.
Qu' el Séigner que sab tot cant es
E sap tot quant er e c' anc fo
Nos a promés
L'onor e nom d'emperador,
E ¿ill beutatz será sabés caus?
Que cill^[12] qu'iran al LAVADOR
Plus que l'estella guazignaus^[13],
Ab que vengen Dieu^[14] del tort
Que il fan sal e lai ves Domás.
Probet del linatge Caí^[15]
Del primerain home felló
Atan aicí^[16]
C'us a dieu no porta honor;
Veirem qui l'er^[17] amic coraus
C'ab la vertut del LAVADOR,
Nos ^[18] será Ihesús comunaus
E tornatz^[19] los garsós atras
Qu'en agur crédon et en sor.
E ill luxoriús corna-vi^[20]
Coita-diznar, buffa-tizó^[21]
Crup en camí^[22]
Remanran e feran pudor^[23]
E Dius vol los arditz e' ls saus^[24]
Assaiar a son LAVADOR;
E cill gaitaran los ostaus^[25];
E trobaran fort contrafort
Per so qu' en a lor anta' ls chas^[26].
En Espaign', e sai lo Marqués^[27]
E cill del temple Salomó
Sófron lo pes
E' l fais del orgoill palanor,
Por que iovens cuoill avol laus,
E criz^[28] per aquest LAVADOR
Venrá^[29] sobr'els plus ric captaus
Fraic, faillit, de proesa las,
Que non amo joi ni deport.
Desnaturat son li frances
Si del afar Dieu dizo no
Qu'en sai cum es^[30]
Antiocha pres e valor^[31].
Sai plora Guian'^[32] e Peytaus
Dieu Séigner, al tieu LAVADOR.
L' arma del comte met' en paus
E sal gart Peitieus e Niort^[33]
Lo Séigner qui resors del vas.

Source

De los trovadores en España. Estudio de lengua y poesía provenzal, por D. Manuel Milá y Fontanals, Barcelona, Librería de Joaquin Verdaguer, 1861.; p.75-77:

• B.P. = Biblioteca de París,3.204.
• B.V. = Copias de los manuscritos provenzales de la Biblioteca Vaticana de Ballestero,2.701.

1. B.V. Alaz
2. B.P. fatz
3. B.P. senhors reys celestials
4. B.P. sal d'otramar
5. B.P. So vos
6. B.P. E si ans
7. B.P. D'aut e sus. B.V. da vostr' alberc.
8. B.P. eschasetatz
9. B.P. Aquels
10. B.P. qui la boca si te nil velh claus
11. B.P. no y a
12. B.P. de sels
13. B.P. guari naus
14. B.V.Diu
15. B.P.caní
16. B.P. Ara-ns ayaí.
17. B.V. qui-ll er
18. B.V. Vos
19. B.P. tornem
20. B.P. Cor no vi
21. B.P. Coitatz del intrar al tuzó.
22. B.P. Com el camí
23. B.V. Remanran ins el folpidor
24. B.P. Dieus vol los ardits e suaus
25. B.P. Guararan
26. B.P. Per dreg venran ad aital chas
27. B.P. En Espanha sai lo Marques _ E sels.
28. B.P. Crist
29. B.V. Versa
30. B.P. qu'ieu sai com
31. B.P. d'anticha pres
32. B.P. vian' a B.V. Guiama
33. B.P. Et ab grat penan de la mor