Pauoa Liko Lehua
E ka uʻi mae ʻole
O ka uka ʻiuʻiu
E maliu mai ʻoe
A ʻo wau kou hoa
A e kohukohu ai
Maʻaneʻi mai kāua
A i ʻolu hoʻi au
Hoʻohihi au e ʻike
I ka nani ʻoia pua
A he pua mae ʻole
A he wehi no ka uka
ʻO Pauoa liko lehua
A ʻo kou hoapili
O lei pua rose nani
Aia i laila
Ke koʻiʻi koi a loko
Mao ʻole ka ʻiʻini
I ʻanoʻi au e ʻike
I ke kumu o ke ʻala
A he ʻala onaona
I ka maka o ka ʻōpua
E hōʻike ka puana
No ka lau liko lehua
O ka uka o Pauoa
I lei kāhiko noʻu
No ka ua Kūkalahale
A he lei ua pūia
I ke ʻala me ke aloha
This work is in the public domain in the United States because it was published before January 1, 1929.
The author died in 1950, so this work is also in the public domain in countries and areas where the copyright term is the author's life plus 70 years or less. This work may also be in the public domain in countries and areas with longer native copyright terms that apply the rule of the shorter term to foreign works.
Public domainPublic domainfalsefalse