This page has not been proofread.
同你講吓都容易、但係有層我聽見話江老爺意思、打算講
成之後、立合同嘅時、交一半銀、有稱𱒲半、就要完工致交埋、
你可能墊得呢筆銀出、唔墊得呢、 係、我亦知係領一半銀
先嘅、我都算度過吓、可以墊得嘅咯、因爲我有個朋友開磚
瓦窰嘅使幾多磚瓦、佢都可以供、唔使俾現錢、等完工後俾
錢、可以做得、我重有一個細舅、現時開緊木廠、佢上埋好多
木料、我都隨便使得、亦唔使俾現錢、我領呢半銀、不過要嚟
買灰買石、與及開支夥記人工噉嘅啫、算過吓、亦差不多够
嘅咯、 旣係噉樣、就甚好咯、等聽日我就去見江老爺、同你
講吓喇、 噉費老爺嘅心、我幾時嚟聽老爺聲氣呢、 你後
