ಪದನೇ ಉಪಯೋಗೊಡು ಇದ್ದಿ. ಅಂಚನೇ, ವೇರೆ, ಕೊಂಚ ಇನ್ಪಿನ ಅವ್ಯಯಲು ಪಾತೆರೊದ ನಿಯಮದ ಮಿತ್ತ್ ಆ ಕಾಲೊಡು ಎಂಚ ಇತ್ತನೋ, ಅಂಚನೇ ಇನಿಲಾ ಒರಿಪುನವು ಸಾಧ್ಯ. ಬೇರೆ (ತಮಿಳು) ಬೇರೆ ಕನ್ನಡದ ಅವಧರಣಿ (ವಕಾರೊಗು ಬಕಾರ ಆದೇಶವಾಪಿನವು) ನಿಯಮಲಾ ಅಂಚನೇ ಪ್ರಾಕ್‌ದವೇ.
ಹಾಕು ಪದ ಅರಬ್ಬಿ ಪಾತೆರೊದ ಲೆಕ್ಕೊ ಉಂಡು ಇಂದ್ ದಾಂಡ , ಈ ಹಕಾರ
ಕನ್ನಡದ ಒಂಜಿ ಮೂಲನಿಯಮನೇ ಇಂದ್ದ್ ಸ್ಪಷ್ಟ ತೆರಿವೊಲಿ , ಉದಾ:
ತಮಿಳುದ ಪಕಾರ ಹಕಾರವಾಪಿನ ರೀತಿಡ್, ಪಾಂಪ್>ಪಾಂಬು>ಪಾವು
(snake) ಪದ ಕನ್ನಡೊಡು ಹಾವು ಆಡುನ ಕಾಲ ಇತ್ತೆದವತ್, ನಾಗಪೂಜೆ
ಅಹಿಕ್ಷೇತ್ರದ ಹಾವಿಗ, ಹವಿಕ ಬ್ರಾಹ್ಮಣಿರ್ ಬತ್ತಿನ ಕಾಲೊಡೇ ಹಕಾರದ
ಉದ್ಭವವಾವೊಡು, ಅಕುಳು ಬತ್ತಿನ ಕಾಲ ದಿಂಜ ಪ್ರಾಕ್ಟವು ಅತ್ತಾಂಡಲಾ
ಕ್ರಿಶ್ಚಿಯನ್ ಯುಗಾರಂಭದ ಕಾಲವಾದುಪ್ಪುನ ತೀರಾ ಸಾಧ್ಯ. ಅಂಚಾದ್ ಆ
ಕಾಲದ ಕೆಲವು ಕನ್ನಡದ ಶಬ್ಧಲು ಇತ್ತೆಲಾ ಅವೇ ರೂಪ ಪತ್ತದ್
ಇಪ್ಪುನಕ್ ಸಂಶಯದ ವಿಷಯವತ್ತುಂದು ಪನೋಲಿ.
2.41 "ಒಕ್ಸಿರಿಂಕಸ್ ಪೇಪಿರಿ" ದ ಮಿತ್ತ ಕೆಲವು ಸ್ವಾರಸ್ಯದ ವಿಷಯ
ಪಿನೊಡು. ಇಂದೆತ ಮೂಲಲೇಖನೂನು ಅಧ್ಯಯನ ಮಳ್ತಿನಾರ್ ಡಾ| ಇ.
ಹುಲ್ಷ್ (E.Hultch) ಇನ್ಪಿನಾರ್. ನಂತ್ರ ಕನ್ನಡ ವಿದ್ವಾಂಸೆರೆಡ್
ಶಾಮಶಾಸ್ತ್ರಿಲು, ರಾ.ಕ. ಗೋವಿಂದ ಪೈ, ಬಳಿಕ್ಕ ಡಾ| ಬಿ.ಎ. ಸಾಲೆತ್ತೂರ,
ಎಲ್.ಡಿ. ಬಾರ್ನೆಟ್, ಎಸ್.ಶ್ರೀಕಂಠಯ್ಯ ಇತ್ಯಾದಿಯೆರ್.
ಇಂದ್ ಒಂಜಿ ಹಾಸ್ಯ ನಾಟಕ. ಕಥಾವಸ್ತು ಈತೆ- ಗ್ರೀಕ್ ಪೊರ್ಲುದ ಪೊಣ್ಣು ಒರ್ತಿನ್ ಕರಾವಳಿದ ಅರಸೆ ರಟ್ಟಾವೊಂದು ಬತ್ತೆ. ಆ ಪೊಣ್ಣನ ಕಡೆತಕುಳು ಆಯನೆಡೆಗ್ ಬತ್ತ್‌ದ್, ಆಯಗ್ ಏರಾಳ ಗಂಗಸರ (wine) ಪರ್ಪಾಯೆರ್. ಅರಸಗ್ ಆಯನ ಸಿಬ್ಬಂದಿಲೆಗ್ ಅಮಲೇರ್ದ್ ಸ್ವಯದಾಂತಿನಪಗ, ಪೊಣ್ಣನ್ ಲೆತ್ತೊಂದು ಪೋಯೆರ್, ತೂವರೆಗ್ ಗ್ರೀಕ್ ಮಹಾಕಾವ್ಯ ಇಲಿಯಾದ್‌ದ ಲೆಕ್ಕೊ ಕಥಾವಸ್ತು ತೋಜುಂಡು. ರಡಾಯಿ ಮರತ ಕುದ್ರೆ ದಾಂತೆ ಎಳ್ಯ ಮಟ್ಟದ ಹಾಸ್ಯ ನಾಟಕ. ಇವು ಇಪ್ಪಡ್.
ಈ ಪ್ರಹಸನದ ಮಿತ್ ಕನ್ನಡದ ಪದಲು ಎಂಚಿನವು, ಈ ನಂಮ ವಿದ್ವಾಂಸೆ‌ರ್ ಮಳ್ತಿನ ವಿಶ್ಲೇಷಣೆ ಎಂಚಿನವು ಇಂದ್ದ್ ತೆರಿಯರೆ ಡಾ| ಹಂಪ ನಾಗರಾಜಯ್ಯೆರ್ ಒಂಟಿ ಪಟ್ಟನ್ ಕೊರ್ತೆರ್ (ದ್ರಾವಿಡ ಭಾಷಾವಿಜ್ಞಾನ, ಪುಟ
79). ಅಯಿತ ಸಾರಾಂಶ ಇಂಚ ಉಂಡು. ಗ್ರೀಕ್ ಅಕ್ಷರದ ಬದಲಾದ್ ಇಂಗ್ಲೀಷ್ ಆಪಿಟ್, ಗ್ರೀಕ್ ಅಪಿಲೆನ ರೀತಿಡೇ ಕೊರ್ತಿನವಾಂಡ, ವಿಶ್ಲೇಷಣೆ ಎಂಚ ಹೊಂದುಂಡು ಇಂದ್ದ್ ನಮಲಾ ತೂವೊಲಿ.
ತುಳು ಪಾತೆರೊ
