ಇಂದೆಕ್ ತೀವ್ರ ಅಸಮಧಾನ ತೋಜಾವುನ ಉಂಡು. ಇನ್ನಗ ಭಾಷಾಶಾಸ್ತ್ರದ ಜ್ಞಾನ ಕಲ್ಲುನ ಮಗ್ಗೂಡು ಭಾರತ ಪಿರ ಒರಿದುಂಡು, ಶಾಲೆ ಕಾಲೇಜು ಮಗ್ಗೂಡು ಭಾಷೆದ ವಿಷಯ ಸಂಪೂರ್ಣ ವಿತರಣೆ ಆತಿನವು ಇಜ್ಜಿ, ಭಾಷೆ ಭಾಷೆಲೆಡ್ ವೈಷಮ್ಯಪೂರ್ಣ ಚರ್ಚೆ ಗೊಂದಲ ಇದ್ದರೆ ಮುಖ್ಯ ಕಾರಣ ಭಾಷಾ ವ್ಯಾಮೋಹ. ಜಗತ್ತ ಕಾರ್ಯಕಲಾಪಲು ಸುಗಮವಾದ್ ನಡಪುಡುನ ಮಾತಾಭಾಷೆಲು, ಜನಮಾನಿ ಪಾತೆರೊಲು ಸಂಪರ್ಕ ನೀತಿಗ್ ಅನುಗುಣವಾದುಪ್ಪುನ, ಸರಳ ನೀತಿದ ವ್ಯಾಕರಣದ ಪಾತೆರೊಲು ಮಾತಾಲಾ ಯೆಡ್ಡೆಂತಿನಕುಳು. ನಂಮ ತುಳುವ, ಗ್ರಂಥಲು ದಾಂತೆ ಇತ್ತ್ಂಡಲಾ ವ್ಯಾಕರಣ ಬದ್ಧವಾದ್ ಇಪ್ಪುನ ಸರಳ ಭಾಷೆ, ಜನಮಾನಿಗ್ ಯೆಡ್ಡೆ ರೀತಿಡ್ ಸಹಾಯವಾದುಪ್ಪುನ ಭಾಷೆ. ಅಯಿತಮಿತ್ ಅನಾದರವಾವಡ್ ಸಂಸ್ಕೃತ ಕನ್ನಡ ಭಾಷೆಲು ಗ್ರಂಥವಿತ್ತಿನವಾದ್ ಅುಕುಳೇ ಉತ್ತಮಭಾಷೆಲು ಇನ್ದಿ ಅನಗತ್ಯ ಆದರವಾವಡ್ ಇದ್ದರೆ ಆವಂದ್. ಸಂಸ್ಕೃತಪದ ಪ್ರಯೋಗೊಡು ಅರ್ಥವಿಸ್ತಾರಣಿ ಇತ್ತಂಡ ಮಾತ್ರ ಅವೆನ್ ಪ್ರಯೋಗ ಮಾಳೊಅ. ಇಡ ರೂಢಿಡ್ ಇಪ್ಪುನ ಮಲ್ಲ ಸಮುದಾಯೊಗು ಸುಲಭವಾದ್ ತೆರಿಪಿನ ಶಬ್ದಲೆನೆ ಉಪಯೋಗ ಮಾಡು, ಉದಾ: ಪೊಲೀಸ್, ಸ್ಟೇಷನ್, ರೈಲ್ವೇ ಇತ್ಯಾದಿ ಹಳ್ಳಿ ಹಳ್ಳಿಲೆಡ್ ತೆರಿದುಪ್ಪುನ ಶಬ್ದಲು. ಇಂಟಿನಂಕ್ ಆರಕ್ಷಕ ದಳ, ದೂಮ್ರಶಕಟ ನಿಲ್ದಾಣ ಪುದರ್ನ್ ದೀಯರ್ಡ. ಅವನ್ ತೆರಿಯೊಂಚಿನಕುಳು ಏರ್? ಏರೆನ ಪ್ರಯೋಜನಗಾದ್, ಭಾಷೆ ಸಂಸ್ಕೃತ ಇಂದ್ ಅವೆನ್ ಉಪಯೋಗ ಮಳ್ಳುನಿ? ಆಂಡ Hydrogen ಇನ್ನಿ ವಿಜ್ಞಾನದ ಶಬ್ಲೊಗು ದೇಶಿ ಪಾತೆರೊಡು ಸಮಪರ್ಕ ಅರ್ಥಕೊರ್ಪಿನ ಪದ ತಿಕ್ಕುಜಿ; ಕಲ್ಲುನ ವಿದ್ಯಾರ್ಥಿಲೆಗ್ ನಿಪ್ಪತ್ತಿ ಸಮೇತ ಅರ್ಥವಾಪಿನಂಚ "ಜಲಜನಕ" ಇನ್ದಿ ಸಂಸ್ಕೃತ ಶಬ್ಧ ದಿಂಜ ಪ್ರಯೋಜನ. ಇಂಚಾದ್ ಭಾಷೆದ ಪಾತೆರೊಲು ಮೂಲಭಾಷೆದ ನಿಷ್ಪತ್ತಿ ಗುಣ ತೆರಿಯುಲೆಕ್ಕ ಅರ್ಥ ಪಿನ್ದಾವುನ ಅಗತ್ಯನೇ ಮುಖ್ಯ. ಅಟತ್ರ, ಭಾಷಶಾಸ್ತ್ರದ ನಿಯಮದ ಮಿತ್ ವಿವಿಧ ಭಾಷೆಲು ಇಪ್ಪುನ ಭಾರತೊಡು ಅನ್ಯಭಾಷಾ ಪದನ್ ಉಪಯೋಗ ಮಡು. ಅವು ಇಂಗ್ಲೀಷ್ ಭಾಷೆದವು ಇಂದ್ ತ್ಯಾಜ್ಯಲಾ ಅತ್ ಸಂಸ್ಕೃತ ಇಂದ್ ಅನಗತ್ಯ ಆದರವು ಇಂದ್ದ್ ಅತ್ತೆ. ಭಾಷಾಶಾಸ್ತ್ರ ಜನಮಾನಿನ ಹಿತದೃಷ್ಟಿಡ್ ಶಾಲಾಕಾಲೇಜಿಡ್ ಪಠ್ಯವಾಪಿನ ವಿಹಿತ. 1.91 ಈತ್ ದಾಯೆ ಪಣೋಡಾಂಡ್ ಇನ್ನಗ, ಕೆಲವು ಸಂದರ್ಭೋಡು ಮುಖ್ಯವಾದ್ ಗ್ರಂಥರಚನೆಡ್ ದೇಶಿ ಪಾತೆರೊನು ಮದಪುನ ಉಂಡು. ಪಾತೆರೊಡು ಈ ದೇಶಿ ಶಬ್ದಲು ಏತೇ ಕಷ್ಟ ತರದ ಉಚ್ಚಾರದವು ಆದುಪ್ಪಡ್, ಅಯಿಕುಳಿಗ್ ವಿಶೇಷ ಮಹತ್ವವುಂಡು. ಆಂಡ, ಬೇತೆ ಭಾಷೆದ ಒತ್ತಡದ 63 D ಬುಧಾನಂದ ಶಿವಳ್ಳಿ