ಸಂಜೆನ್ ಬಳಕೆ ಮಲ್ಪೆ, ಬುಧಾನಂದ ಶಿವಣ್ಣ ಇಂಗ್ಲೀಷ್‌ ಡಿಗ್ರಿ ಚಿಹ್ನೆನ್ ಬಳಕೆ ಮಲ್ಲರೆ ಸೂಚನೆ ಕೊರ್ಪೆರ್, ಉದಾಹರಣೆಗ್, "ಬೇಂತೆ" ಇನ್ನ್ "ಬೌತೆ" ಇಂದ್ ಬರೆವೋ ಇಜಿಂಡ ಮುದ್ರಿಸಾವೊಲಿ, ತುಳುಟು ಏಕಾಸೊಡು ಮಾಜಿದ್ ಪೋತಿನ ಅನುನಾಸಿಕೊಚ್ಚಾರದ ಸೂಚಕ ಚಿಹೈನ್ ಅರ್ಧಸ್ವರ ಸೂಚನೆಗ್ ಬಳಕೆ ಮಲ್ವುನ ಸಾಮಾನ್ಯರೆಗ್‌ಲಾ ಕಷ್ಟವಾನಂದ್. ಮಿಸ್ಟ್ ಚರ್ಚೆ ಮತ್ತಿನ ಅರ್ಧ ಎ, ಒ ಅತ್ತಾಂದೆ, ಕೆಲೆವೆರೆ ಪ್ರಕಾರ ತುಳುಟು, ಒಂಜಿ ಹೆಚ್ಚಿನ "ಅರ್ಧ ಅ" ಇಜಿಂಡ "ಅರ್ಧ ಉ" ಉಂಡು, ಈ ಅರ್ಧ ಅ ಇಜಿಂಡ ಅರ್ಧ ಈ ಬೊಕ ಸ್ವರಾಂತ ಇಜ್ಜಾಂತಿನ ವ್ಯಂಜನ (ಕ್ಗ್ ಇತ್ಯಾದಿ) ಮಾತಾ ಒಂಜೆ ಇಂದ್ ಗಮನಿಸಾವೊಡು. ಕ್ ಇಂದ್ ಉಚ್ಚಾರ ಮಲ್ಪುನಗ ಅರ್ಧ ಅ ಸ್ವರ ಇಜಿಂಡ ಅರ್ಧ ಉ ಸ್ವರ ಕೊಂಡಿಲೆಕ್ಕ ಆಪಿನಿ ಸಹಜ. ವರ್ಣಮಾಲೆಡ್ ಬನ ಅರ್ಧ ಸ್ವರಕುಲೆನ ಸಂಖ್ಯೆನ್ ಜಾಸ್ತಿ ಮಲ್ಲೊಂದು ಪೋಪಿನೆಡ್, ಅಸ್ವರಾಂತ ವ್ಯಂಜನ ಇಂದ್ ವರ್ಗೀಕರಣ ಸುಲಭವಾಪುಂಡು. ಪ್ರಾಚೀನೊಡು ಗ್ರಾಂಥಿಕವಾವಂಬನ, ಅಂಚನೇ ಬಿಂಜ ವೈವಿಧ್ಯದ ಪಾತೆರುನ ಭಾಷೆಯಾಯಿನ ಕಾರಣ, ತುಳುಟು ಗ್ರಾಂಥಿಕವಾವೊಂದುಪ್ಪುನ ಸಂದರ್ಭೋಡು ಇಂಚಿನ ಆರಂಭಿಕ ಗೊಂದಲೊಲು ಸಹಜ. ನಂಮ ತುಳುಟು ಬರೆಪಿನ ಓದುನ ಪ್ರಕಟನೆ ಮಲ್ಪುನ ಕ್ರಮ ವಿಂಜಾಯಿಲೆಕ್ಕ ನಂಮ ಭಾಷೆ ಅಪಿ ಸುಧಾರಣೆ ಅವೊಂದು ಪೋಪುಂಡು. ತುಳು ಬಾಂದವೆರೆಡ ಈ ಸಂದರ್ಭೋಡು ಕೇಣ್ಣಿನ ದಾನೆ ಇನ್ನಗ: ತುಳುಟು ಎಣ್ಣಿಲೆ, ತುಳುಟು ಪಾತೆರ್‌ಲೆ, ತುಳುವೆ ಬರೆಲೆ, ತುಳುಟ್ ಓದ್‌ಲೇ, ತುಳುನು ಬುಳಪಾಲೆ. ತುಳು ಭಾಷಾ ಅಭಿಮಾನಿಯಾನ ಮಾತ್ತೊಗು ಬೇತೆ ಭಾಷೆಲೆನ್ ದೂರ ಮಲ್‌ತೊನೊಡು ಇಂದ್ ಇಜ್ಜಿ. ವಿಶಾಲ ವಿಶ್ವ ಕುಟುಂಬೊಡು ಸಹಜೀವನ ಸಹಜ ಅಂಚನೆ ಅನಿರ್ವಾಯ ಮನುಷ್ಯ ವಿಶ್ವ ಮಾನವೆಯಾಂಡಲಾ ತನ್ನ ಅಪ್ಪೆಭಾಷೆಗೆ ಸಂದೊಡಾಯಿನ ಮೊಕೆ, ಗೌರವಲೆನ್ ಒರಿಪಾವೊಂದ್ ಬುಳಪಾವೊಂದ್‌ ಬದುಕುನ ಧೈಯ, ಆಯನ ಭಾವನಾತ್ಮಕ ಜೀವನೊಗು ಏಪೊ‌ಲಾ ಬೆರಿಬಲ ಕೊರ್ಪುಂಡು. 363 ಬುಧಾನಂದ ಶಿವಳ್ಳಿ
