ಪ್ರಾಣಿಮೂಲದ ಭೂತೊಲೆಗ್ ಪಂಜುರ್ಳಿನ ಉದಾಹರಣೆ ಸಮಪರ್ಕ. ಅಂಚನೇ ತೂವನಗ ನಾಗಾರಾಧನೆನ್ ಈ ವಿಭಾಗೊಗು ಸೇರಾವೋಲಿ, ನಾಗ ಜಾತಿದ ಭಯಾನಕ ರೂಪ, ಏಷ ತುಚ್ಚಾದ್ ಕೆರ್ಪಿನ ವಿಶೇಷ ಶಕ್ತಿ ಇತ್ಯಾದಿಲೆನ್ ತದ್ ದಂಗಾಯಿನ ಆವಿದ ಮಾನವೆರೆಗ್ ನಾಗನ ಮಿಸ್ಟ್ ವಿಶೇಷ, ವಿಶಿಷ್ಟ ಭಯ,ಗೌರವ,ಭಕ್ತಿ ಮಾತಾ ಬುಳವಿನ ಆಶ್ಚರ್ಯವ ನಾಗಾರಾಧನೆ ಆಫ್ರಿಕಾದ ಮೂಲೋಡ್ ಬೈವಿನಿ ಇಂದ್ ಪರ್(ನವಲ್ ನಿಯೋಗಿ. 9009). ಭೂತಾರಾಧನೆಲೆಡ್ ಆರಂಬೊಡು ಇತ್ತಿನ ಪ್ರಾಣಿಬಲಿ ವಿಧಿಲು ಕ್ರಮೇಣ ಕಡಿಮೆಯಾವರೆ ಜೈನಧರ್ಮದ ಪ್ರಭಾವ ಮುಖ್ಯ ಕಾರಣವಾಂಡ್‌ (ಶೆಟ್ಟಿ,೨೦೦೨). ಕೋಟಿ-ಚೆನ್ನಯ, ಕಾಂತಬಾರೆ-ಬೂದಬಾರೆ, ಉಳ್ಳಾಕು-ಕಿನ್ನಿಮಾನಿ, ಭೀರ-ಬಕ್ರಮ ಇತ್ಯಾದಿ ಅಮರ್ ಅವಳ ಜೋಡಿ ಬೀರೆರೆನ ಕತೆಕುಲು ತುಳುನಾಡ್‌ದ್‌ ಪ್ರಚಾರವಾದ್‌ ಚಾರಿತ್ರಿಕವಾದ್ ಬೈವಿನೆನ್ ತೂವನಗ, ನಂಮ ಜನ ಬರೆರೆಗ್ ಅಕಲೆ ಮರಣಾನಂತರಲಾ ಮರ್ಯಾದೆ ಕೊರೊಂಬತ್ತೆರ್ ಇನ್ಸಿನ ಸ್ಪಷ್ಟವಾಪುಂಡು, ಅಕಾಲ ಮರಣವಾಯಿನ ಬೀರೆರ್ ಭೂಲಾಪೆರ್ ಇನ್ನಿನ ತುಳುಜನತ ನಂಬಿಕೆಲಾ ಈ ಆರಾಧನೆಗೆ ಕಾರಣವಾದಿಪ್ಪು. ಇಂಚಿನ ಬಿರ ಭೂತೊಲೆಡ್ ಜೈನಬೀರೆರ್ (ಉಳ್ಳಾಕುಲು-ಕಿನ್ನಿಮಾನಿ, ವೀರ-ವಿಕ್ರಮ) ಜೊಕ ಪಂಚಮ ವರ್ಗೊಲು(ದೆಯ್ಯು-ಸನಿ, ಕಾನದ-ಕಟದ) ಸೇರೊಂದಿನಿ, ಈ ಪದ್ಧತಿ ಜಾತಿ ಬೇಧ ಮೀ ಏಕಾಸವಾಸಿನೆಕ್ಸ್,ಅಂಚನೇ ಮುಂಡ-ತುಳುವ ಸಂಸ್ಕೃತಿಲು ವಿಲೀನವಾತಿನೆಕ್ಸ್ ನಿದರ್ಶನ. ಸ್ತ್ರೀ ಪ್ರಧಾನ ಸಂಸ್ಕೃತಿ ತುಳುವೆರೆನ ಇತ್ತಿನಾತ್ರ ಅಬ್ಬಗ-ದಾರಗೆ, ಸಿರಿನಕುಲೆನ್‌ಲಾ ಅಂಗಬೇಧದಾಂತೆ ಆರಾಧನೆ ಮಲ್ಪುನಾಂಡ್. ಬಿಲ್ಲರಾಯ-ಬಲ್ಲರಾರ್ತಿ ದುರಂತ ನಾಯಕ-ನಾಯಕಿನಕುಲು ಭೂತೊಲಾತಿನೆನ್ ತೂವೊಲಿ (ಚಿನ್ನಪ್ಪ ಗೌಡ, ೧೯೮೩: ವಾಮನ ನಂದಾವರ, ೨೦೦೧). ಕಲ್ಲುಡ- ಕರ್ಲ್ಲು ಇನ್ನಿ ಕಲ್ಲುಕುಟಿಗ ಮೂಲದ ಭೂತ, ಬೊಬ್ಬರ್ಯ ಇನ್ನಿ ಮಾಪಿಳ್ಳೆ ಬ್ಯಾಲಿ ಮೂಲದ ಭೂತ ಆತಿನ ತೂವನಗ ಸಾಮಾಜಿಕ ಸ್ಥಾನಮಾನ-ಜಾತಿಮತ ಈ ಭೂತಾರಾಧನೆದ ಕಲ್ಪನೆಗ್ ಅಡ್ಡಿ ಬೈವಿಜಿ ಇನ್ಸಿನ ಸ್ಪಷ್ಟವಾಪುಂಡು ಭೂತಾರಾಧನೆದ ಪ್ರಭಾವ ತುಳುನಾಡ್‌ಡ್ ಇತ್ತೆಲಾ ದೃಢವಾದ್ ನಡತೊಂದು ಬೈದ್‌ಂಡ್. ಜೈನಧರ್ಮದಕುಲು ಕೂಡಾ ತಮ್ಮ ಮೂಲಧರ್ಮದ ತತ್ತೊಲು, ಆಶಯೊಲೆಡ್ ಭಿನ್ನವಾಯಿನ ಭೂತಾರಾಧನೆ ವಿಂಲೆನ್ ಮಲ್ಲೊಂದು ಬೈದಿನೆನ್ ಮೂಲು ತವೋ.
ಕದಂಬ ಮಯೂರವರ್ಮನ ಕಾಲೊಡು ಬ್ರಾಣೆರ್ ತುಳುನಾಡ್‌ಗ್ ಬತ್ತ್
ನೆಲೆಯಾದ ತರುವಾಯ ದೇವೆರೆನಕನ್(ಶಿವ,ಗಣಪತಿ,ದುರ್ಗಾ,ವಿಷ್ಣು-ಕೃಷ್ಣ ಇತ್ಯಾದಿ) ಪೂಜಿಸಾವುನ ಸಂಸ್ಕೃತಿ ತುಳುನಾಡ್‌ಡ್ ಆರಂಭವಾಂಡಲಾ ಭೂತಾರಾಧನೆ ಏಭಿಲು ಕಡಿಮೆಯಾಯಜಾ. ಅಂಚಾದ್ ಕ್ರಮೇಣ ಮಿಶ್ರ ಸಂಸ್ಕೃತಿತ ಫಲವಾದ್ ದೇವರ್‌ನಕಲೆನ ಪುದರ್‌ದ ಭೂತೊಲು ಅಸ್ತಿತ್ತೊಗು ಬತ್ತಾ ಪಿ ಚಾಮುಂಡಿ, ಭಗವತಿ, ರಕ್ತಶ್ವರಿ, ಉಳ್ಳಾ, ವಿಷ್ಣುಮೂರ್ತಿ, ವೈದ್ಯನಾಥ ಇತ್ಯಾದಿ. ವೈದ್ಯನಾಥ ದೈವದ ಕಲ್ಪನೆಲಾ ಸಂದರ್ಭೋಡು ಸುರುವಾದಿಪ್ಪು. ತಮಿಳುನಾಡ್‌ಡ್‌ ನಾಶಾಸ್ತ್ರ -ತಾಳೆಗಣ್ಣೆಡ್ ಬರೆತಿನ ಭವಿಷ್ಯಶಾಸ್ತ್ರ (ಮುಲ್ಪ ನಾಡಿ ಇನ್ಸಿ ತಮಿಳು-ತುಳು ಧಾತು "ನಾಡು" ಇನ್ಸಿನ ಅರ್ಥ ಕೊರ್ಪುಂಡು) ಓದುನಕಲೆನ ವಂಶದಕಲೆನ ಕುಲದೇವೆರ್ ವೈದ್ಯನಾಥೇಶ್ವರ (ಈಶ್ವರನ ರೂಪ). ಪ್ರಾಚೀನ ತುಳು-ತಮಿಳು ಸಮ್ಮಂದೊಲೆನ ನನಾತ್ ಸಂಶೋಧನೆಲು ಆವೊಡು.ದೇವತಾರಾಧನೆ ಪರಿಚಯವಾಯುನ ಬೊಕ್ಕಲಾ ತುಳುನಾಡ್‌ಡ್ ಭೂತಾರಾಧನೆ ಒರಿದ್ ಬತ್ತಿನಿ ವಿಶೇಷ ಇಂದ್ ತೋಜುಂಡು 345 ಬುಧಾನಂದ ಶಿವಳ್ಳಿ
