ರಾಜ್ಯೋಲೆಡ್ ತಮಿಳು ಭಾಷೆ ಅಪಿ ಚಾಡ್‌ ಇವಿನ ಸಮಯೊಡು, ಆಳುಪೆರೆಗ್ ತುಳು ಭಾಷೆ ಬಳಕೆ ಮಲ್ಪರೆ ಎಂಚಿನ ಅಡ್ಡಿ ಬತ್ತ್ಂಡ್ ಇನ್ಸಿ ಪ್ರಶ್ನೆ ನಮ್ಮ ಮನಸಿಡ್ ಒರಿಯುಂಡು, ಅಕುಲು ಪಲ್ಲವೆರೆನ ಕದಂಬೆರೆನ ಸಾಮಂತರಾದಿತ್ತಿನ ಕಾರಣ ಆಡಳಿತೊಗು ಪರತಮಿಳು ಇಜಿಂಡ ಕದಂಬೆರೆನ ಪರಕನ್ನಡೊನು ಬಳಕೆ ಮಲ್ಲುನ ಅನಿರ್ವಾಯ ಸ್ಥಿತಿ ಪಾಂಡ್ಯಕುಲದಕುಲು(ತಮಿಳು ಅಭಿಮಾನಏತ್‌ಪಾ? ದಾನಾ. ಅಥವಾ ಮೂಲದಕುಲು) ಆಯಿನೆಟ್ಟಾತ ಅಕುಲು ತುಳು ಆಳುಪರೆನ ಧರ್ಮದ ಮಿಫ್ ಚರ್ಚೆಲಾತ್‌ಂಡ್. ಅಕುಲು ಶಿವನ ಆರಾಧಕ ಇಂದ್ ಕೆಲೆವೆಡೆ ತೊಂಡ, ಜೈನಮನೆತನೊಲೊಟ್ಟುಗು ಸಂಬಂಧವಿತ್ತಿನಕುಲು ಇಂದ್ ಶಾಸನೊಲು ತೆರಿಪಾವಾ, ಆನಿದ ರಾಜೆರೆನ ಧರ್ಮೊಲು ಬಹುಶಃ ಕಟ್ಟುನಿಟ್ಟಾದಿತ್ತಿಜಿ, ರಡ್ ಧರ್ಮೊಲೆನ ದೇವೆರೆನಕಲೆನ್ ಪೂಜಿಸಾವೊಂದಿತ್ತೆ ಇಂದ್ ತೆರಿಯೋಣ. ಆಳುಪ ಇನ್ನಗ ಆಳ್+ಉಪ=ಉಪರಾಜ ಇನ್ನಿನಾದುಪ್ಪು ಇಂದ್ ಕೆಲವೆರ್ ತರ್ಕಿಸಾವಿನಲಾ ಉಂಡು. ಪರ್ಯಾಯವಾದ್ ನಬ ಅವೆದ ಕೈತಲ್ ರಾಜ್ಯಾನಾಳೊಂದಿತ್ತಿನಕುಳು ಆಳುವ>ಆಳುಪ ಆದುಪ್ಪು, ಆಳ್ವರ್ ಇಸ್ಪಿ ಪುದರ್ ಪರತುಳು-ಪರಕನ್ನಡದ ಶಬ್ದದ ಲೆಕ್ಕ ತೋಜುಂಡು. ಆನಿದ ಪರಕನ್ನಡೊಗುಲಾ ಪರತುಳುಕುಲಾ ಬಿಂಜ ವ್ಯತ್ಯಾಸವಿತ್ತಿದೆ ಇಂದ್ ತೋಜುಂಡು. ಆಳ್ವರ್> ಆಳುಪರ್> ಆಳುವ>ಆಳುವಾ>ಆಳ್ವಾ, ಇಂದ್ ಶಬ್ದ ವಿಕಾಸ ಆತ್‌ಂಡ್. 6.7 ತಮಿಳು ಬಾಂಧವ್ಯ ಆಳುಪರ್ ತಂಕುಲೆನ್ ಪಾಂಡ್ಯ ವಂಶದಕುಲು, ಇಂದ್ ಪಂಬಿತ್ತೆರ್. ತಮಿಳು ಮಧುರೆದ ರಾಜಮನೆತನ್ದಕುಲು ಪಾಂಡ್ಯರ್‌ ಇಂದ್ ಪ್ರಸಿದ್ಧ, ಪಾಂಡ್ಯ ರಾಜಮನೆತನೊಗುಲಾ ಆಳುಪೆರೆಗ್ ಮೂಲದ ಸಮ್ಮಂದವಿತ್ತಿದುಪ್ಪು. ಪಾಂಡ್ಯ ಮಹಾಭಾರತದ ಕೃಷ್ಣನ ಮಗಲ್ "ಪಾಂಡಿಯಾ" ಇನ್ನಿನಲೆನ ವಂಶದಕುಲು, ತಮಿಳುನಾಡ್‌ದ ಮಧುರೆಡ್‌ ರಾಜ್ಯ ಕಟ್‌ದ್ ನೆಲೆಸಿಯ ಇಂದ್ ಗ್ರೀಕ್ ಮೂಲು ತೆಲಿಸಾವಾ, ಅಂಚಾದ್, ಪಾಂಡ್ಯ ಬಡಕಾಯಿಡ್ಸ್ ವಲಸೆ ಬತ್ತಿದ್ ತಮಿಳುನಾಡ್‌ಡ್ ನಿಲೆಯಾಯಿನ ದ್ರಾವಿಡೆ ಇನೋಳಿ. ಅಂಚನೆ ಆಳುಪ ಪಾಂಡ್ಯಕುಲದಕುಲು ಇನ್ನಗ ಅಕುಲುಲಾ ವಲಸೆ ಬತ್ತಿನ ಆವಿ ತಮಿಳು ಮೂಲದ ದ್ರಾವಿಡೆರ್ ಆದುಪ್ಪೆರೆ ಯಾವು ಆಳುಪೆರೆನ,ಪಾಂಡ್ಯರೆನ ಮೀನ್‌ ಚಿಹ್ನೆಲು, ತುಳು-ತಮಿಳು ದ್ರಾವಿಡ ಜನಕುಲೆನ ಸರಸ್ವತಿ-ಸಿಂಧೂ ಸಂಸ್ಕೃತಿದ ಮೂಲದ ನೆನೆಪುಲೆಡ್ ಬತ್ತಿನ ಲಾಂಛನವಾದುಪ್ಪು. ಶ್ರೀಕೃಷ್ಣನ ಮಥುರಾ ನಗರೊಗುಲಾ ತಮಿಳುದ ಮತುರಾ ಮದುರಾ ನಗರೊಗುಲಾ ಪುದರ್‌ದ ಹೋಲಕೆನ್ ತೂಲೆ. ತಮಿಳುಡು ತು/ದು ಸ್ವರಕುಲೆನ್ ಒಂಜೆ ಲೆಕ್ಟ್ ಬರೆಪಿನ ಉಚ್ಚರಿಸುವ ಪದ್ಧತಿ ಇತ್ತಿನೆಾತ್ರಾ, ಬಡಕಾಯದ ಮಥುರಾ ತಮಿಳುಡು ಮಧುರೈ ಆದುಪ್ಪು. ಈ ಈ ಸಿದ್ಧಾಂತೊಲು ಪಾಂಡ್ಯ ಮೂಲದ ದ್ರಾವಿಡರಾಜೆರ್ ಬಡಕಾಯಿ ಊರುಲೆಡ್ ಮಹಾಭಾರತದ ಕಾಲೋಡು ತೆಂಕಾಂಗ್ ವಲಸೆ ಬತ್ತದ್ ನೆಲೆಯಾನೆಕ್ಟ್ ಆಧಾರ ತೆಲಿಪಾವಾ, ಇಂಚ ವಲಸೆ ಬತ್ತಿನಕಲೊಟ್ಟುಗು ಆಳುಪೆರ್‌ಲಾ ಬತ್ತಿನ ಕಾರಣ ತಂಕುಳೆನ್ ಪಾಂಡ್ಯ ಸಂಬಂಬಲೆಂದ್ ವರ್ಣನೆ ಮಲ್ಲೊಂದಿಪ್ಪುನ ಸಾಧ್ಯತೆನ್ ನಮ ತೂವೊಲಿ. 339 ಬುಧಾನಂದ ಶಿವಳ್ಳಿ
