ಅನ್ವಯವಾಯಿನ ಬೊಕ ನಮ ಆ ಶಬ್ದನು ಬೇತೆ ಅರ್ಥೊಡು ಉಪಯೋಗ ಮಳ್ವುನೆನ್ ಕೈಬುಡ್ತಿಲೆಕ್ಕೊ ತೋಜುಂಡು. ನಂಮ ಕೈತಲ್ಲ ಕನ್ನಡೊಡು "ತುಳುಕು -ನೀರ್ ವಿಂಜಿದ್ ತುಳುಕುನಿ- ಇನ್ಸಿನ ಶಬ್ದ ನನಲಾ ಒಲಿವಿಂಡ್. ತುಳು ಬೊಕ ಹಳೆಕನ್ನಡ ಒಂದೇ ಮೂಲೊಸ್ಟ್ ಬೈವಿನ ಕಾರಣ, ತುಳು ಇನ್ನಿ ಧಾತು ತುಳುಟು ಪಿರಾವುಬಿಂಜ ಇತ್ತದೇ ಉಪೊಡು. ತಮಿಳು ಭಾಷೆಡ್ "ತು" ಮುರುಂಕುನು, ಗೊಬ್ಬುನು ಇತ್ಯಾನಿ ಅರ್ಥದ ಶಬ್ದವುಂಡು. ನಂಮ ಭಾಷೆ- ನಾಡ್‌ ತುಳು ಇಸ್ಪಿ ಪುದರ್ ಗಟ್ಟಿಯಾಯಿನೆಡ್ ಬೊಕ ಅವೆನ್ ಬೇತೆ ಅರ್ಥೋಡು ಉಪಯೋಗ ಮಚ್ಚರೆ ನಂಮ ಜನ ಒಪ್ಪಿಜೆರ್ ಇಂದ್ ತೋಜುಂಡು. - ನೀ‌ಡ್ ಸುಮೇರುವ ಪ್ರಾಚೀನ ಭಾಷೆಡ್ "ತು" ಧಾತುಗು (೧) ನೀರ್ ಸಂಬಂಧ ಪಟನ ಕ್ರಿಯೆಕುಲು (ಮೀಪಿನಿ, ದೆಕ್ಕುನಿ ಇತ್ಯಾವಿ) ಬೊಕ (೨) ನೀರ್ ಸಂಬಂಧ ಸನ ರಚನೆಲು (ಉದ್ದೆಲ್,ಕಾರಂಜಿ, ನೀರುಂತುನ-ತಗ್ಗು ಪ್ರದೇಶ) ಇನ್ನಿನಂಚಿನ ಅರ್ಥೊಲು ಇತ್ತ್ಂಡ್, ಆ ಭಾಷೆಡ್ ಲಳ ಧಾತುಲು ದಿಂಜ ಇನ್ಸಿ ಅರ್ಥಕೋರ್ಪಾ. ಇಂಚಾದ್ ತುಳು ಇನ್ನಗ "ನೀರ್ ದಿಂಜಿದಿನ" ಇಜಿಂಡ "ಬಿಂಜಿದ್ ಪರಪುನ ನೀರ್" ಇಲ್ಲಿ ಬರ್ಪುಂಡು. ಅಂಚನೆ ತಗ್ಗದ ಭೂಪ್ರದೇಶ ಇನ್ನಿ ವ್ಯಾಖ್ಯಾನಲಾ ಬರ್ಪುಂಡು. ಮುಂಡಾ ಭಾಷೆಲೆಡ್ ತು ಚಲನಸೂಚಕ ಧಾತುಗ್, ಪರಪುನ ಇಲ್ಲಿ ಅರ್ಥವುಂಡು (ತುದ>ತುದೆ= ಇನ್ನಗ ಪರಪುನ ನೀರ್), ತುಃಪುನಿ,ತುಳ್ಳುನಿ ಶಬ್ದಲೆಡ್ ಬರ್ಪಿನ ಚಲನೆಸೂಚನೆ ಸ್ಪಷ್ಟವಾದುಂಡು. ಆಫ್ರಿಕಾದ ಭಾಷೆಲೆನ "ತುಳು" ಶಬ್ದದ ಪರಡ್‌ವಿನ ಇನ್ಸಿ ಅರ್ಥೋಡುಲಾ ಚಲನೆ ಸೂಚ್ಯವಾದುಂಡು. ಅಂಚಾದ್, ತುಳು ನೀರ್ ಸಂಬಂಧವಿತ್ತಿನ ಶಬ್ದ ಇಂತಿನ ಸೇಡಿಯಾಪು ಕೃಷ್ಣಭಟ್ಟರೆನ ಸೂಚನೆ ಸರ್ವರೀತಿಡ್‌ ಸಮ ಇಂದ್ ತೋಜುಂಡು. ತುಳು ಜನಾಂಗಸೂಚಕ ಪದ ಇಂದ್ ಪಣರೆ ನನೊಂಜಿ ಸೂಚನೆ ಇತ್ತೆ ತುಳುಭಾಷೆದಕುಲು ಇಜ್ಜಾಂತಿನ, ಉತ್ತರಕನ್ನಡದ ಹಾಡುವಳ್ಳಿ ಪ್ರದೇಶೋಡು "ತುಳುವ" ವಂಶದಕುಲು ಇತ್ತಿನನ್ ಚರಿತ್ರೆ ಪುಂಡು. ಅಂಚನೆ, ತುಳುಭಾಷೆದಾಂತಿನ ಕುಂದಾಪುರ ತಾಲೂಕುದ ಬಸರೂರುಡು ತುಳುವೇಶ್ವರ ದೇವಸ್ಥಾನವುಂಡು. ಪಿರಾಕ್‌ದಂಚಿಡ್ ವಲಸೆ ಬತ್ತಿನ ಕೆಲಕುಟುಮೊಲು ಈ ಹಾಡುವಳ್ಳಿ ಪರಿಸರೊಟು ನೆಲೆಯಾದುಪೊಡು. ಬನವಾಸಿ ಕೇಂದ್ರವಾದ್ ಕನ್ನಡರಾಜ್ಯ ಸ್ಥಾಪನೆಯಾನ ತರುವಾಯ ಈ ಮೂಲ ತುಳುಕುಟುಮೊಲು ರಾಜಭಾಷೆನ್‌ ಅವಲಂಬಿಸಾಯೆರ್‌ ಇಂದ್ ತೋಜುಂಡು. ಅಂಡಲಾ ಈ ಪ್ರದೇಶದ ಜನಜೀವನೊಡು ತುಳುಭಾಷೆ-ಸಂಸ್ಕೃತಿಲೆನ ನಿರೆಲ್ ಒಲಿದಿನೆನ್ ತೂವೊಲಿ. ಬಹುಶಃ ಉಂದೆ, ತುಳು ಕುಟುಮೊಲು ಇನ್ಸಿ ಅರ್ಥೊಡು ಹೊಯ್ಸಳ ವಿಷ್ಣುವರ್ಧನನ (ಕ್ರಿಸ್ತ ಶಕ ೧೧೧೧ ಕಾಲದ) ಶಾಸನ "ಸಪ್ತ ತುಳು ದೇಶ" ಇಂದ್ ಪಡ್ಡಾಯಿ ಕರಾವಳದ ತಗ್ಗು ಪ್ರದೇಶೂಲೆನ್ ಸೂಚಿಸಾವುಂಡು. ಸುಮೇರುವ ಮೂಲಶಬ್ದನ ಅರ್ಥದ ಪಟ್ಟಣ್ ತು ಧಾತುಗು ತಗ್ಗದ ಪ್ರದೇಶ ಇನ್ಸಿ ಅರ್ಥಲಾ ಉಂಡು, ಕರುನಾಡು ಎತ್ತೆರದ ಪ್ರದೇಶವಾದಿತ್ತಿ ಲೆಕ್ಕ ತುಳುನಾಡು ತಗ್ಗದ ನೀರ್ ಪ್ರದೇಶ ಇನ್ನಿನ ಬಳಕೆ ರೂಢಿಡ್ ಒರಿದುಪ್ಪು. 5.3 ಕುಡಲದ ಕತೆ ಇತಿಹಾಸ ಶಾಸನೊಲೆಡ್ ತೋಜಂಬನ, ಆದ್ ಪೋತಿನ ಕೆಲವು ಚಾರಿತ್ರಿಕ ದಾಖಲೆಲು ಭೂವಿಜ್ಞಾನಿನ ಕಣ್ಣಿಗ್ ತೋಜುವಾ, ಕುಡಲ ಇಲ್ಲಿ ಪುದರೆಂಚ ಹುಳು ಪಾಪರೂ 328
