ಇತ್ತಿನ ಪ್ರಾಯದಪಗ, ಇಂಬೆರೆಗ್ ಸಂಸ್ಕೃತ ವ್ಯಾಸಂಗದ ದಾಹ ಆರೆನ
ಅಧ್ಯಯನ ಫಲವಾದ್ ಭಾರತ-ಯುರೋಪದ ಭಾಷಾವರ್ಗದ ಉಲ್ಲೇಖ
ಆಯಿನೆಡ್ದಾವರೆ, ಭಾಷಾಶಾಸ್ತ್ರ ಇಂಬೆರೆಡ್ದ್ ಆರಂಭವಾಂಡ್ ಇನ್ಪಿ ಹೇಳಿಕೆಲಾ
ಇತ್ತಂಡ್. ಅವು ಸಮಂಜಸ ಅತ್ತಾಂಡಲಾ, ಆರ್ ಉಲ್ಲೇಖ ಮಾಳ್ತಿನ, ಈ
ಭಾರತ-ಯುರೋಪ್ ಭಾಷೆಲು ಒಂಜಿ ಸಮಾನ ಮೂಲದವು ಇನ್ಪಿ ವಿಷಯ
ನಂತ್ರದ ದೀರ್ಘ ಅಧ್ಯಯನೊಡು ಸಾಬೀತಾದ್, ಅವು ಸತ್ಯವಾದ್ ಒರಿಂಡ್.
ಉದಾ: ಇಂಗ್ಲೀಷ್‌ಡ್:
mother=ಮಾತೃ [ಸಂಸ್ಕೃತ].
two=ದ್ವ[ಸಂ.]
three =ತ್ರಯ [ಸಂ.]
he is =ಅಸ್ತಿ [ಸಂ.]
ಇತ್ಯಾದಿ ಸಾಮ್ಯತೆಡ್ ಸಂಸ್ಕೃತ ಭಾಷೆ (Indo-European speech group )
ಭಾರತ-ಯುರೋಪದ
ಪಾತೆರೊ ಸಮುದಾಯೊಗು
ಸೇರ್ದ್ ಪೋಯಿನವಾಂಡ್.
1.33
ಈತ್‌ ಮುಟ್ಟದ ತಿಳುವಳಿಕೆಡ್. ಭಾಷೆಲು
ದೇವದತ್ತವಾದಿತ್ತಿನಯಿಕುಳು ಇನ್ಪಿ ನಂಬಿಕೆಲಾ
ಮಾಜೊಂದು
ಬರ್ಪಿನವಾಂಡ್. ಯೆಸ್ಪೆ‌ರ್ಸನ್ ಇನ್ಪಿ ಭಾಷಾಶಾಸ್ತ್ರಿ ಪಣ್ತಿನ "...the very
imperfections and changeability of language speak against its divine
origin. Language as gradually developed must be work of man
himself and therein as difference from the immutable cries and songs
of lower animals." ಪಾತೆರೊ ವಿದ್ವಾಂಸೆರೆಗ್ ಭಾಷಾಧ್ಯಯನದ ಮಿತ್ತ್
ಒಲವು ಕನಪ್ಪರೆಗ್ ಕಾರಣವಾಂಡ್.
1.34 ಅಂಚ ಕ್ರಿ.ಶ. ೧೮೬೬ಡ್ ಪ್ಯಾಲಿಸ್ ನಗರೊಡು "La societe 'de
Linguistique" ಇನ್ಪಿ ಚರ್ಚೆ ಆರಂಭವಾಂಡ್, ಅಯಿತ ಫಲವಾದ್ ನಾಲ್
ಪ್ರಮುಖ ತತ್ವಲು ಪಿದ‌ಡ್ದ್ ಬತ್ತೊ.
೧. ಅನುಕರಣ ತತ್ವ (Bow-vow theory): ಈ ತತ್ವದ ಪ್ರಕಾರ
ಸಂಸ್ಕೃತೊಡು, ಕಾ-ಕಾ ಇನ್ಪಿನವು ಕಾಕವಾಂಡ್. ಕರ ಕರ ಇನ್ಪಿನದಾವರೆ
ಅವು ಕ್ರೊ (crow) ಆಂಡ್ ಇಂಗ್ಲೀಷಿಡ್, ಅಥವಾ ಕರ ಇನ್ಪಿನವು ಕರ್ಕೆ>ಕಕ್ಕೆ
ಆಂಡ್ ತುಳುಟು. ಇಂಚನೇ ಕುಕಿಲ್-ಕುಕಿಲ್ ಇನ್ಪಿ ಪಕ್ಕಿ ಕೊಕಿಲಾ,
ಕೋಗಿಲೆ, ಕುಯಿಲ್ ಇನ್ಪಿನವಾಂಡ್. ಗಣಗಣ ಇಂದ್ ದ್ ಶಬ್ದ ಮಳ್ಪುನವು
ಘಂಟೆ ಇಂದ್‌ದಾಂಡ್ .
| ತುಳು ಪಾತೆರೊ | 30 |
