ಪ್ರಪಂಚದ ಲಭ್ಯ ಮಾಹಿತಿಲೆನ್ ಕುಲ್ಬನೆಡೆಗ್ ಕೈಕ್ ಎಕ್ಕುನಾತ್ ಕಣುದ್‌ಂಡ್.
ತುಳುಟು ಬರೆತಿನ ಶಾಸನ ಗ್ರಂಥೊಲು ಬೋಡಾಯಿನಾತ್‌ ಇಜ್ಜಾಂತಿನ ಕಾರಣ
ಮಾತ್ರವಾಂದೆ, ನಂಮ ಪರಿಸರದ ಸೋದರಭಾಷೆಲೆಡ್, ಅಂಚನೇ ಇಂಗ್ಲೀಷಿಡ್
ತಿಕ್ಕುನ ಸಂಶೋಧನಾ ವಿಚಾರೊಲೆನ್‌ಲಾ ಉಪಯೋಗ ಮಲ್ಲೊಣಡಾಪುಂಡು.
ಇಂಚಿನ ಮಾಹಿತಿಲೆನ್ ಅಂಚನೇ ಎನ್ನ ಅರಿವುಗು ಬತ್ತಿನ ಬಿಡಾರೊಲೆನ್ ನೇಯ್ದ,
ನಂಮ ಮೋಕೆದ ಪೊಲ್ಲುದ ಭಾಷೆದ ಮಿತ್ತ್ ನನಾತ್ ಸಂಶೋಧನೆ ಮಲ್ಪರೆ,
ಭಾಷೆನ್ ಬುಳಪಾವರೆ ಅನುಕೂಲವಾವಡ್ ಇಂದ್, 'ತುಳು ಪಾತೆರೊ'ದು
ಪೂರಕವಾದ್ ಒಂಜಿ ಪ್ರಬಂಧ ರೂಪಿಸಾದ್‌ ನಿಕಲೆದುರು ಜೊತೆ.
ತುಳುವೆ ಮೂಲಸಂಶೋಧನಾ ವಿಚಾರೊಲೆನ್ ಬರೆಪಿನ-ಮುನ್ನಿಸಾವುನ
ಪರಿಸ್ಥಿತಿ ಉದಯವಾವೊಡು, ತುಳುಸಮಾಜ ಒಕ್ಕಟಾರ್, ಅಯಿತ ಭಾಷೆ-
ಸಂಸ್ಕೃತಿ-ಜನಜೀವನದ ಸಮಗ್ರ ಆರೋಗ್ಯಕರ ಬಳವಣಿಗೆಗ್, ದುಂಬಿಗ್
ನನಾತ್ ಏಕಾಸಗು ಸ್ಪೂರ್ತಿಯಾವೊಡು ಇನ್ನಿನ ಹತ್ತೂರ್ವಕ ಆಶಯೊಡು ಈ
ಅಂಶೋಲೆನ ಪ್ರಸ್ತಾಪ ಮಲ್ತ್‌ದ್‌ಂಡ್, ಚಾರಿತ್ರಿಕ-ಸಾಂಸ್ಕೃತಿಕ ಏಕಾಸದ ಸೂಚಿತ
ಅಂಶಲು ತುಳುವೆರೆನ ಒಳ್ಳೇ ಗುಂಪುಲೆಗ್ ಬೇನೆ ಬೇಜಾರವಾದರೆ ಎಲ್ಲ ಇಂದ್
ಎನ್ನ ಸವಿನಯ ಪ್ರಾರ್ತನೆ.
ಪೂರ್ವಾರ್ಧ: ತುಳುವೆರೆನ ಪೂರ್ವಜೆ
ಭೂಮಿದ ಮಿತ್ತ್ ವಿಭಿನ್ನ ಜೀವರಾಶಿಲು, ಸರಳ ಜೀವೊಲೆಡ್ ಸುರುವಾದ್
ಸಂಕೀರ್ಣ ಜೀವೊಲಾದ್‌ ಸುಮಾರ್ ೨೫೦ ಕೋಟಿ ವರ್ಷದ ಕಾಲಾವಧಿ
ವಿಕಾಸವಾದ್ ಬತ್ತಡಲಾ, ಈ ಮಾತಾ ಜೀವರಾಶಿಲೆಡ್ ಅದ್ಭುತ ಸೃಷ್ಟಿಯಾಖನ
ನರಮನುಷ್ಯ ಉಂಡಾದ್ ಬತ್ತಿನಿ ಅಂದಾಜಿ ೨೦ ಲಕ್ಷ ವರ್ಸೊಲೆನ ಪಿರಾಕ್‌ಡ್
ಮಾತ್ರಾ
ಮಾನವನ ವಿಕಾಸ ಮಂಗರ್ ಆಂಡ್ ಇಂದ್ ಡಾರ್ವಿನ್ ಹೆರಿಪಾಯ.
ಮೆಸಪೊಟೊಮಿಯಾ, ಸುಮೇರು ಇತ್ಯಾದಿ ಜನಾಂಗದಕುಲು ಸುಮಾ
ಐನ್‌ಸಾಏರ ವರ್ಷ ಪಿರಾಕ್‌ಡೇ ಮನುಷ್ಯ ಮಂಗಡ್ ಬೈವಿನಿಂದ್ ನಂಬೊಂದಿತ್ತೆದ್ದೆ.
ನಂಮ ರಾಮಾಯಣೂಡು ಮಾನವ-ವಾನರೆರೆನ ಜತೆ ಜೀವನದ ವೃತ್ತಾಂತ
ಬೈನಿಂಗ್‌, ರಾಮಾಯಣ ಒಂಜಿ ನಿಜವಾದ್ ಆತಿನ ಇತಿಹಾಸದ ವರ್ಣನೆ ಇಂದ್
ಒಪ್ಪುನಾಂಡ ಅದಗದ ಕಾಲೊಡು, ಮುಗೆ ಬೊಕ ಮಾನವನ ನಡುತ ವಾನರ
ಮಾದಲಲು, ನಾಗಲೀಕ ಜೀವನ ಆರಂಬೊಡು ಜೀವೊಡಿತ್ತಾ ಇಂದ್
ಹೋಮೋ ಎರಕ್ಟಸ್ ಇ ಮಾನವನ ಆವಿರೂಪ, ಅಯಿಡ್ಸ್ ಬೊಕ
ಹೋಮೋ ಸೇಪಿಯನ್ಸ್ ಸೇಪಿಯನ್ಸ್ ಇಂದ್ ಜೀವವಿಜ್ಞಾನ ಪಣ್ಣಿನ ನಂಮಂಚಿನ
ಸರ್ತ-ಉಂತೊಂದಿತ್ತಿನ ಮಾನವ ರೂಪೊಲು ಭೂಮಿದ ಮಿತ್ತ್ ೧೮ ಲಕ್ಷ
ವರ್ಸೊಲೆಂಚಿ ಜೀವಿಸಾವೊಂದು ಬತ್ತಾ ಇಂದ್ ಅನಿದ ಪಳೆಯುಳಿಕೆನ
ಆಧಾರೊಲು ತೋಜಾವಾ, ಆಫ್ರಿಕೊಡು ಅಭಿಮಾನವನ ಪಳಿಯುಳಿಕೆಲು ಎಚ್ಚ
ತಿಕ್‌ದಾ, ಅಂಚನೇ ಮಾನವನ ವಂಶವಾಹಿಲೆನ (ಎನ್‌ಎ) ಅಧ್ಯಯನದ
ಆಧಾರೊಡು ಆಫ್ರಿಕಾಖಂಡ ಮಾನವವಿಕಾಸದ ಮೂಲಪ್ರದೇಶ ಇಂದ್
ಜೀವವಿಜ್ಞಾನಿಲು ತೀರ್ಮಾನಿಸಾದರ್, ಮಾನವನ ಕಪ್ಪು ಬಣ್ಣದ ಮೂಲಸಂತತಿ
