ನಡುಟೇ, ಗುಡಿ-ಗುಡ್ಚಿಲ್, ಪಟ್ಟ ಇಲ್ಲ್, ಮನೆ.ಅರಮನೆ,ಗುತ್ತ್ ದ ಇಲ್ಲ್ , ಬೂಡ್ದ
ಇಲ್ಲ್ ಕಟ್ಟ್ ದ್, ಕೈತಲ್ಡೇ ಕಿದೆ, ಕೊಟ್ಟೆ (ಕೊಟ್ಯ), ಕಟ್ಟದ್ ಅಪ್ಪೆ, ಅಮ್ಮೆ , ತಗೆ
ತಂಗಡಿ, ಮೆಗ್ಗೆ, ಪಲಯೆ, ಮೆಗುದಿ , ಪಲಿ, ಅರುವಾತೆ, ಮರ್ಮಾಲ್,
ಬುಡೆದಿ , ಕಂಡಾನೆ, ಜೋಕುಳು, ಬಾಲೆಲು, ಬಪ್ಪುಲು ಆದಿತ್ತಿನಂಚಿನ
ಸಂಸಾರವಂದಿಕೆರಾದ್, ಇಲ್ಲ ನಿಲುಕೆ ಜನ, ಬೆನ್ನಿನಕುಳು ಇತ್ತದ್
ಕುತ್ತಟ್ಟೊಡು ಬಾರ್ದಮುಡಿ . ಕಲೆಂಬಿಡರಿ. ಮಲಯಾಲೊಗು
ಬೋಡಾಯಿನಾತ್‌ ತೌತೆ, ಬೊರ್ಕುಂಬುಡ, (ಕರ್ಕುಂಬುಡ), ಕೆಂಬುಡೆಲೆನ
ಸಾಲ್‌ಡ್ ಕಟ್ ದ್ , ಅಡ್ಪಿಲ್ಲಡ್, ಉಪ್ಪಡ್, ಅಪ್ಪಳ, ಉಪ್ಪಡಚ್ಚಿ‌ರ್ ಬರೋಣಿ-
ಜಾಡಿಲೆಡ್ ದೀವೊಂದು, ಜಾಲ್‌ಡ್‌ ಬೈತಮುಟ್ಟೆ , ಅಟ್ಟೋಡು ಬಿತ್ತಿದ ಮುಡಿ
ಇತ್ತೊಂದು, ಪಡ್ಡಾಯಿ ಬಾನೊಡು ಕಪ್ಪು ಮುಗಿಲುಲು ಜಮೆ ಆಪಿನ ತೂದು
ಸಂತಸದ ನಿಟ್ಟುಸುಲು ಬುಡುವೆರ್.
ಅದೆಟಿತ್ತಿನ ಪೆತ್ತೊ ಕಂಜಿಲು ಬೊರ್ಪಿನಯಿಕುಳು, ತನೆ ಇತ್ತಿನವು
ಕಬೆಲೆ, ಮಂಗಳ. ಮಲ್ಲಕೆಂದೆಲ್ರ್ದವು , ಕೊಡಪಾನ ಪೇರ್ದವು
ಕಿನ್ನಿಕೊಂಬುದವು. ಇನ್ಪಿ ನಾನಾ ವಿಧದ ಪುದರಿ ಡೇ ಅಯಿಕುಳೆನ
ತಾಂಕೊಂದು ಕಾಲೆ, ಬೊಳ್ಳೆ, ಕೆಮ್ಮೈರೆ ಇನ್ಪಿ ಎರುಕುಳು ಬೋರಿಲು, ದಪ್ಪ
ಪೇರ್ದ ಎರ್ಮೆಲು ಕೂಡಾ ಕಿದೆಟ್ ಇತ್ತ್ ದ್, ಕಿದೆಕ್ ಕಾಡ್ಡ ಪಜ್ಜಿ ತಪ್ಪುದ
ಪುದೆ ಕನತ್‌ ದ್ ಪಾಡ್ದ್ ಗೊಬ್ಬರ ದೆತ್ತ್ ದ , ಗೊಬ್ಬರ ಗುರಿಟಿತ್ತಿನ ಗೊಬ್ಬರ,
ರಾಶಿ ಪಾಡ್ದಿನ ಬೊನ್ನೆ ಕಂಡೊಗು ಪಾಡ್ದ ಮರಿಯಲದ ಗಾಳಿ ಬರ್ಸದ
ಕಾಲೊಡು, ಬೀಸುಗಾಳಿಗ, ದರ್ಪು ಬರ್ಸೊಗಿ, ಪೋಡಿಯಂದೆ, ತರೆಕೊಂಜಿ
ಕೊರಂಬು ಇಜಿಂಡ ಮುಟ್ಟಲೆ ಪಾಡೊಂದು ಕೇದ ಕಂಡೊಡು ಜಪ್ಪುನ
ಧೈರ್ಯಶಾಲಿಲು. ಒಡಕ್ದಾಂನ್ತಿನ ಬರ್ಸೊ ಬರೊಂದಿಪ್ಪುನಗ, ನಾಯೆ‌ರ್ ,
ಮುಟ್ಟುಪಲಲೆ ಗೋಣಿ ಎರುಕುಳೆಗ್ ಕಟ್ ದ , ಕಂಡ ದಪ್ಪುನಕುಳು.
ಅಂಚನೆ ಪೊಣ್ಣುಲು, ಬರ್ಪಿ ಬರ್ಸೊನು ಲೆಕ್ಕ ದೀವಂದೆ, ನೇಜಿ ರ್ಪ
ನೇಜಿ ನೆಚ್ಚಿನ ಕಾಲೊಡು, ಒಟ್ಟುಗೂಡ್ಸ್ ಪಾಡ್ಡನ ಪಡೊಂದೆ ಬೆನ್ನಿನಕುಳು
ಮೊಕುಳು, ಪೇರ್, ಅಳೆ, ಕೊಜಪು, ಬೆಂಜೊಣ, ಬೊಳುವೆಯ, ನೆಲ,
ಇತ್ಯಾದಿ ಇಲ್ಲಡ್ ಇತ್ತಿನಕುಳು.
ಇಜ್ಜಾಂತಿನಕುಳು ಮಲಿಯಲದ ಸಮಯ ಕಲಿನ ಬೊಕ, ಗೆಲವು-
ಒಲವುದ ಪರ್ಬ, ಅಂಕ-ಆಯನದ ದಿನೊಟು, ನೆಮ್ಮನಿ ತೂಯಿನಕುಳು.
ಕಜಿಪುಣ್ ತರಕಾರಿ, ಉರ್ದು, ಕುಡು, ಪದೆಂಗಿ, ರಾಗಿ, ಮುಟ್ಟಿ, ಎಣ್ಣೆ,
ಕಿರೆಂಗ್ ಬುಲೆಪಾವುನ ಕಸಬುಲೆನ್ ಈ ಇಡೆಟ್ ನಡಪಾವುನಕುಳು.
ಎಣಿಲ್(ಕಾರ್ತಿ), ಸುಗ್ಗಿ, ಕೊಳಕೆ ಇಪ್ಪ ಮೂಜಿ ಬುಲೆಕುಳೆನ ನಡುಟು ಪಟ್ಟ
ಕಂಡೊ,ಕುಮೇಲಿ ಕಂಡನ್ ಸಾಗುವಳಿ ಮಾಳ್ವುವವು, ಶುಂಠಿ, ಕರುಂಬು,
ಇತ್ಯಾದಿ ಬುಲೆಪಾವುನ ಕಸುಬು ತೆಲಬಿತ್ತಿನಕುಳು. ಮೂಜಿ ಬುಳೆಕುಳೆಗ್
ಅಪಗಪಗ ಕಂಡ್ಲಪ್ಪುನ, ಕಂಡ ಮುಟ್ಟುವ ಬಲಿಕಡುಪ್ಪುನ
ನೇಜಿಪಾಡುನ,ನೇಜಿನನ, ನಿರ್ಮಗಪ್ಪುನ, ನೀರ್ಕಟ್ಟುವ ಇತ್ಯಾದಿ
ಕೆಲಸೊಗು ಗಟ್ಟಿಗೆ ಇಂದ್‌ ಬೇತೆ ಪಣೋಡಾ? ತಾರೆ, ಬಾರೆ ಕಂಗ್,
ಬುಧಾನಂದ ಶಿವಳ್ಳಿ
