- 77
deja ket inpakitana ti lansad na a nakaidulinan ti sancta sanctorum, ti kapatgan dagiti napateg. Ado nga up-upigan a lalat
sadi Rusia, a nabaetbaetan iti kapas, ti namunno iti uneg na
a naap-apan iti tersiopelo a nalidem. Isuda amin ur-urayenda
a makakitada iti datdatlag. Ti asawa ni Sinang namnamaenna a makakita ka dagiti dadakkel a batbato nga agipugpugso
iti apoy ken agraniag iti let-ang ti sipnget. Ni Kapitan Basilio
kasla adda iti ruangan ti kinaagnanayon; inda man makakita
iti sangkabassit a pudno, sangkabassit a maarikap, sangkabassit a langa ti nabayag a inna tinagtagainep.
—Ta iso ti ukkor (kolor) ni Cleopatra, — kinuna ni Simoun, ket innalana a siaannad unay ti maysa a kaja a dalumpinas a kasla panagyan ti bulan no bassit pay; —maysa toy a saniata a di mabalin a patgan, maysa a saniata a naikari kadagiti museo, kadagiti babaknang laeng a pagpagilian.
Daydi a saniata kasla ukkor (koliar) a nagtitipunan dagiti nadumaduma a bitinbitin a balbalitok a nakailadawan dagiti ruprupa dagiti dinidios da idi inuna, a naibabaet kadagiti sinan-alukap a naganos ken balbag, ket iti tengnga na, adda maysa a sinan-ulo ti buitre, a bato ti naaramid a ti burikna nailangi unay, iti nagbaetan dagiti dua a paypayak a siuukrad, kaarig ti turay ken ramen dagiti ar-ari a babbai sadi Ejipto.
Ni Sinang, idi nakitana, indusngina ti agong na ket nagmisugsog a kasla ubing, no mangumsi, ket ni Kapitan Basilio, numan pay kasano nga ayat na kadagidi nagkauna, dina natengngel ti dila na a nangbalikas iti maysa a; ni! jania met! ti napaay.
—Maysa a gameng a nasayaat unay ti pannakataginayonna ket nganngani adda dua ribo a tawen nan.
—Phs! —dinaras a kinuna ni Sinang, tapno di mairubo ni ama na.
—Ang-ang! —kinuna ni ama na, a natengngelna ti immuna a pannakapaay na; — ammom ket di no di dayta nga ukkor (koliar) ti nakautangan iti agdama a langa ti lubong? Dayta ngata nga ukkor ti pinangsulisog ni Cleopatra kada Cesar ken Marco Antonio... dayta nga ukkor inna ngata nangngeg dagiti nasged a balbalikas ni ayat dagidi dua a kalaingan a makigubgubat kadagidi nga al-aldaw, dayta nga ukkor inna nangngeg ngata dagiti kasisin-awan ken katatarakian a sasao ti latin, ket ay! kayatmo kuma no sika ti nangyaruat!
—Siak? diak pay kayat a gatangen iti tallo a pisos!
