23
pina-aramidna tay rukib a nakitayo ngata, a kasla naripkan iti kabiti ket ti ruangan na naramenan kadagiti ado a lanlanot a kumalkalatkat. Sadiay ti nagyanan, nagbiagan ken nakatayanna, ket sadiay met ti nakaitamnan na; ket masarsarita a ni donia Jeronima napalalo kan a naglukmeg ta no sumbrek, masapol nga agsikig. Ti damag na nga enkantada nagtaod ti kadawyan na a mangitapuak iti karayan kadagiti araruaten iti panganan, a bin-ig a pirak, kalpasan dagiti daydaya a kasta unay, daydaya a tabunuan dagiti ado a nangato a tattao. Adda kan nayukrad a iket iti uneg ti danom ket iso ti mangsarapa kadagiti maitapuak, a iti kasta, inda maugasan. Di pay napalabas ti dua pulo a tawen a ti karayan madildilpatanna ti ruangan ti rukib, ngem mangin-inot a umadayo a kas met pana-gininot nga agpukaw ti lagip ni donia Jeronima kadagiti indio.
-Nasayaat a sarita! - kinuna ni Ben-Zayb, - agsuratak maipapan iti dayta. ¡Nagsennaay!
Ni dunia Victorina panpanunutenna metten ti ipapan na panagyan iti maysa a rukib, ket ibagana kuman, no di naunnaan ni Simoun.
-¿Ngem, ania ti kuna yo iti dayta, Padre Salvi?-sinalud- sudna iti daydi pransiskano a napasnekan unay ti inna panag- panpanunot;—¿ania ti kuna yo, di kuma nalaing no ti arsobispo saan na a pinagyan iti maysa a rukib, ngem inserrekna kuma met di iti maysa a Beaterio, idiay Santa Clara, kas paga- rigan?
Nagsiddaaw ni Padre Sibyla, iso a nakakita iti panagkin- tayeg ni Padre Salvi ken iti panangkita na iti nasakit ken Simoun.
-Ta, maysa a kurang ti panagayat,-intuloy ni Simoun, a kasla awan ti ania man,-ti panangited iti maysa a bantay a bato a pagtaengan ti nagang-angawan iti inanama na: saan a maiparbeng iti relijion ti panangbaybay-a a kasta, a sididiaya iti amin a kita ti sulisog, iti uneg ti maysa a rukib, iti igid ti may- sa a karayan; kas man la umad-adas dayta kadagiti kunkunada a badbaddi ken litlitaw. Nalalailo kuma, naas-asi ket nasensennek iti puso, ket adadda pay kuma a mayannatop kadagiti kadkadawyan ditoy, no inserrekna idiay Santa Clara, kas baro nga Eloisa, tapno inna sarsarungkaran ken pabpabilgen ti puso na sagpaminsan. ¿Ania ti kuna yo?
-Diak mabalin, ket diak met rebbeng a ipato, ti aramid dagiti ararsobispo,-insungbat a siaapas daydi pransiskano.
