20
ti daya, ket daydi ina na, natay a sipepennek ken siraragsak, ket inpatawidna kenkuana amin a kukua na.
Ngem iti daydi a bakal, nasugatan ni Florentino iti saanen a nagpiglat: idi ta lawlawas na laengen ti ururayenna sa agmisa, daydi babai nga inpangpangrunana nga inayat, nakiasawa iti maysa a kasta-kasta laeng, gapo iti nalaos a ladingit na; daydi a danar iso ti kapapaglan a sinagaba ni Florentino; napukawna ti bileg ti puso na, ti biag nagbalin
kenkuana a maysa a babantot ken di mabalin nga amiten. No
saan a ti singpet wenno ti dayaw a utang na nga ited iti kasasaad na, daydi daksanggasat nga ayat iso ti nangispal kenkuana iti mangliwengliweng a derraas a pakatnagan dagitt papadi sadi Pilipinas, praile man ken saan. Inpaayna ti biagna kadagiti peligreses na, a gapo iti annong na, ket inadalna dagiti pagsirsiriban a igayat dagiti parparsua iti lubong, a gapo iti ayat na.
Idi naaramid dagidi napaspasamak idi tawen a sangaribo, walo gasot, pito pulo ket dua, nagbuteng ni Padre Florentino ania la ket ta ti ili a pagkuraan na, a gapo iti kinaado ti mapastrek na, iso ti pakaisarsarakan na, ket gapo iti ayat na itl natalna a panagbiag, dinawatna ti panaginana na, ket nanipod idin, napanen nagyan, nga awan takem na kadagiti dagdaga dagidi nagannak kenkuana sadi igid ti taaw it. daya a managan Pasipike. Innalana a kadua na ti maysa a kaanakan na, nga 1so ni Isagani, a kuna dagiti naatap, nga anak na iti daydi daan nga as-asawaen na, idi nabalon, ket kuna met dagiti: ma- kaam-ammo ken nanakman a tattao, nga anak ti maysa 2 ka- sinsin na a babai nga agyan sadi Manila.
Ti Kapitan ti sasakyan nakitana toy apo padi ket kinid- dawna a sumbrek iti kamara ket umuli iti rabaw ti kubierta. Tapno mauyutanna laeng, kastoy ti sinauna:
—No dikay mapan, dagiti praile atapendanto a diyo kayat ti makilangen ka dakuada.
Ni Padre Florentino naipapilit a napan ket pinaayaban- na ti kaanakan na, ta inbagana daydi a maaramid ket, ingganetgetna a saan a umasasideg iti kamara no adda sadiay.
—No makitanaka ti Kapitan, awisennakanto met, ket agpalalutanton it: kinaimbag na.
—¡Sao la ni uliteg ko!—kunkuna ni Isagani,—amin dayta, tapno awan ti panggapuan na a makisao ken dunia Victorina.
