- Talis vita, finis ita.
- No kasano ti biag, kasta
- met ti tungpal.
Ni Kapitan Tiago naimbag ti nagbanagan na, kayatna a sawen, ti punpon na, ta manmano ti pumada. Pudno ket di a ti kura inpalagipna ken Padre Irene a ni Kapitan Tiago natay a saan a nagkonpesar, ngem daydi naimbag a padi, nga immisem iti narabak, linidlidna ti murdong ti agong na ket insungbatna:
—Ni, saan kad a siak ti pagkunaan yo kadagita! No kuman ditay kayat a punpunen amin a matay a di agkonpesar, ditay pay ket malipatanen ti DE PROFUNDIS! Dagita nga ig-iget, kas ammuyo a nalaing, maannurutda no ti saan a nagkonpesar, saan met a makabayad, ngem pi Ka pitan Tiago!. . . jni! ket no mangitabunkay pay iti insik a saan a kristiano ket imisaanyo pay iti misa ti natay!
Ni Kapitan Tiago dinutukna ni Padre Irene a mangaywan kadagiti kukkukua na ken mangtungpal iti maudi a nakem na, ket inburayna dagiti kukkukua na iti konbento ti Santa Clara, iti Papa, iti Arsobispo, kadagiti praile, ket nangibati met iti dua pulo a pisos a maibayad iti pagserrek da giti agad-adal a napanglaw. Toy naudi a paset naikabil babaen ti singasing ni Padre Irene, ta iso ammuna nga ikalikagom dagiti ububbing a nagaget nga agadal. Ni Kapitan Tiago inbabawina daydi kunkuna na idi nga ipatawidna ken Basilio, a dua pulo ket lima a pisos, gapo iti kinaulpit a inpakita kenkuana daydi bumaro kadagiti ud-udi na nga al-aldaw, ngem ni Padre Irene inna kan ited met laeng ket iwarwarragawagna nga iso ti agbayad ken agsungbat.
Iti balay ti natay, iso napanan dagiti daan nga am-ammo ken gagayyem iti sumuno nga aldaw, masarsarita unay ti maysa a milagro. Kunkunada nga idi madama nga agnguynguya, ti kararua ni Kapitan Tiago nagpakita kadagiti momanja, a linawlaw ti nakaranraniag a lawag. Ni Apo Dios
