Pudno ti sinao ni Padre Irene: ti banag maipapan iti Akadcmya ti sao ti kastila a nabayagen a naidatag, nganngani inairingpasen. Ni don Custodio, ni naalibtak a don Custo dio, ti kaalibtakan kadagiti amin a ponente ditoy lubong, kas kuna ni Ben-Zayb, inna ad-adalen ket agmalmalem a mangbasabasa iti espediente, ket maturog, a dina matinong no ania ti inna ikalikagom: no bumangon iti sumuno nga aldaw, kasta man ti aramid nan, maturog manen, ket kasta a kasta. jAnia ket a panagbannugen daydi nakakaasi nga apo, ti ka alibtakan kadagiti amin a ponente ditoy lubong! Kayatna nga iringpas daydi a banag a daytay awan ti inna mapaluksaw, uray dagiti praile, uray ti nangato nga agturay, uray ti kondesa, uray ni Padre Irene ken uray pay dagiti an-annuruten ti kina-liberal na. Nakiuman ken “senior Pasta, ket ni “senior” Pasta pinagbalinna nga ang-ang ket inulawna kalpasan da giti riniwriw a sasao nga agsusupiat ken di mabalin nga aramiden a inna inpatigmaan; nakiuman ken Pepay, a bailarina, ket ni Pepay a bailarina, a dina ammo no ania daydi a banag, pinagkinnina ti bagi na a kas no agsala, dimmawat iti dua pulo ket lima a pisos a pagpaitabunna kano iti maysa nga ikitna a kappapatay a naklaat idi, ket maminlima a matayen, wenno maikaliman sa ket daydi nga ikit na a matay, kas kuna dagiti mayat a mangilawlawag, sana pay dinawat a maikabil nga auksilyar de pormento ti maysa a kasinsin na nga ammuna ti agbasa, agsurat ken agbiolin, banbanag amin dagitoy nga adayo a makatalukatik ken don Custodio iti panunot a makaispal.
Kalpasan ti dua nga aldaw naaramid ti peria sadi Kiapo, adda ni don Custodio nga agbanbannog, kas kanayon, ad-adalenna ti espediente, a dina ket masurutan ti nagasat a pangibanaganna. Ngem no madaina nga agsuysuyaab, aguy-uyek, agtabtabako ken inanglaglagip kadagiti kinnikinni ken butbutoy ni Pepay, saritaentay bassit ti biag toy nangato a tao, tapno maawatan ti gapo na a nangikalikaguman ni Padre Sibyla nga iso ti mangadal iti daydi narikot a banag ken no
