166
Idi madama ti kasdi, daydi ulo nagbalin man met la a tapuken, ket ni Mr. Leeds ikabkabilna manen daydi nangisit nga abbong iti rabaw ti lamisaan, ket nagkurno kadagiti nagdengdengngeg kenkuana.
—Masapol a maiparit a maipabuya dayta,—kunkuna ni don Custodio idi riinuar;—napalalo a nagdakes, dadaelenna ti pammati ken dagiti naimbag a kadkadawyan!
—Nangruna, ta awan sarming a maaramat!—innayon ni Ben-Zayb.
Ngem, kasakbayan ti itatalaw na, kinayatna pay laeng a pinennek a nalaing, linagtuna ti lalaktawan, immasideg iti la misaan ket inngatuna ti abbong na: awan, awan laeng.13
Iti sumuno nga aldaw nagsurat iti maysa nga artikulo a
nangibagaanna kadagiti nalimed a pagsirsiriban, espiritismo,
kspy.; naigiddato met a immulog ti bilin ti Gobernador Eklesiastiko a nangikeddeng iti pannakaisardeng daydi a maipa
buya; ngem idin, ni Mr. Leeds nagpukawen, napanen sadi
Hongkong a inkuyogna ti palimed na.
_________
13 Nupay kasta, saan unay a naallilaw ni Ben-Zayb. Dagidi tallo a saksaka ti lamisaan adda babassit a gerger da a pagnaan dagiti sarsarming a silelemmeng iti babaen ti pagpatayan ket saan ida a madmadlaw gapo iti alpombra a nayaplag. No idisso ti lakasa iti rabaw ti lamisaan, adda masagid a paratignay ket mangin-inot a ngumato dagiti sarsarming; no ikkaten ti abbong ti lamrisaan, annadan a ingato a saan ket a pagligsayen, ket iso tay rumar ti kadawyan a lamisaan dagiti ul-ulo nga agsao. Adda mamagkamang iti lamisaan ken iti uneg ti lakasa. No malpasen, ti agipabuya sublianna manen nga abbungan ti lamisaan, adda manen sagidenna a sabali a paratignay, ket iso tay bumaba da giti sarsarming. — Pangalawag ni Rizal.
