148
—!Mueno, mueno! (Ala wen, ala wen!)—kinuna ni Qui roga idi agangayen;—?pelo pone pileso mucha jenti? imanda likisa, ja? (ngem ado a tao ti maibalod, maibilin ti panagsukain, ja.)
Idi nagsubli da Quiroga ken Simoun iti salas, nasarakanda sadiayen dagiti naggapo a nangan, nga agsasao iti nabiag; ti champagne pinalukayna dagiti dildila ket rinubrubanna dagiti ut-utek da. Nawaya bassit ti panagsasao da. Iti maysa a gungio a yan dagiti ado nga empleado, sumagmamano a babbai ken ni don Custodio, masarsarita ti maipanggep iti maysa a gimong a naibaon sadi India a mapan mangadal iti maipapan kadagiti sapsapatos dagiti solsoldado.
—?Ket asinno da dagiti mamukel?—sinaludsod ti maysa a babai a bumaketen.
—Maysa a kernel, dua nga opisial ken ti kaanakan ti Kapitan Jeneral.
—?Uppat da?—sinaludsod ti maysa nga empleado. !Ania man met a gimong daytan! eket no masinasinadan iti pamanunutan? ?Uray a, no arnmuda met la ti nakaibaunan da?
—Iso dayta kuma ti saludsudek,—innayon ti maysa: — kunak a rumbeng kuma nga adda napan a maysa a saan a soldado, maysa nga awan panpanunuten na maipapan iti sinosoldado. . . maysa nga agar-aramid iti sapatos, kas pagarigan. . .
—Wen, kasta kuma,—insungbat ti maysa nga aglaklako iti sapatos nga aramid sadi sabali a daga;—ngem gapo ta di met maiparbeng a mangibaonda iti maysa nga indio wenno makaw, ket ti kakaisuna nga agar-aramid iti sapatos a kastila, nangina met unay ti dinawatna a bayadna iti maysa nga aldaw. . .
—Ngem, dania ti pakasapulan da a mangadal iti sapatos? —sinaludsod ti maysa a babai a bumaketen;—[saan ngata a gapo kadagiti artiliero a kakastila! Dagiti indio mabalinda ti agsakasaka, kas no addada kadagiti il-ili da.
—Wen kuma, kasta, !ket ad-ado kuma ti mabati iti kubeng ti Turay!—innayon ti maysa a babai a balo, iso a saan a mapnek iti ited ti Turay a pension na.
—Ngem, kitaenyo,—insungbat ti maysa kadagiti sisasango, gayyem dagiti opisial a naibaon.—Pudno nga aduda da giti indio nga agsakasaka kadagiti il-ili da, ngem saan da a kasta amin, ket saan na a pada ti magna, no kayat, ken ti adda tungtungpalen na: saan a mabalin a pilien ti uras, ti pagnaan dalan, di met mabalin ti aginana, no kasta ti kayat. Kitaen yo, seniora, gapo iti pigsa ti init iti tengnga ti aldaw, ti daga
