- 139
—!Asi pay daydiay a bumaro! jKasta met a panpanunot ti immapay idi kaniak! Ania pay kuma ti kayat ti amin a tattao a sawen no di kastoy: inaramidko toy gapo iti daga a nakayanakak, jinpaayko ti biag ko iti pagimbagan dagiti sabsabali!. . . !Balangat a laurel, a nayuper iti asibar, bulbulong a nagango a nangabbong kadagiti sisiit ken ig-igges! Saan a dayta ti biag; dayta, saan a mangted iti kanen, ket di met mangted iti pakaidayawan; ti laurel apaman la ta agpaay a mangted nanam ti salsa. . . saan met a mangted talna. . . saan met a mangted iti panangabak iti maysa a ringgor, jsabali ket di! Tunggal Ili adda bukod na nga alagaden, a kas met kaadda ti klima ken saksakit na, a naiduma da iti klima ken saksakit dagiti sabsabali nga il-ili!
Sana innayon:
—!Asi pay daydiay a bumaro!. . . No amin dagiti tattao inda kuma agpanunot ken agaramid a kas kenkuana, diak kuna a saan a. . . !Asi pay daydiay a bumaro! !Asi pay ni Florentino!
