- 99
nitbitda, kas da madandanagan a mangpanpanunot iti leksion ken komposision da; isuda dagiti agad-adal iti Ateneo.
Dagiti letranista (agad-adal idiay San Juan de Letran) mailasinda gapo ta nganngani isuda amin nakakawesda iti aruat
ti pilipino, ad-aduda ket basbassit dagiti pagpagbasaan a bitbitenda. Dagiti agad-adal iti Unibersidad, natartaraki ket
nadaldalos ti aruat da, nainayad ti pannagna da, ket saan a
pagbasaan ti iggaman da, no diket baston. Dagiti agtutubo
nga agad-adal sadi Pilipinas saan da unay a naringgor ken
natagari; kasla itay adda panpanunutenda; uray asino a makakita ka dakuada kunaenna nga iti sangwanan dagiti matmata da, awan rumaniag a inanama, awan makaay-ayo a
kasakbayan. Numan pay maiballaballaet a mangparagsak iti
daydi a libot dagiti nakaay-ayo ken nagpaiduma iti buya a
babbalasang, nga agad-adal iti Eskuela Munisipal, a kadagiti
ab-abaga da adda naikabil a sintas, ket binitbitda dagiti pagpagbasaan da, ket sarsarunuen ida dagiti babaunen da, apaman la ta adda agbettak a katawa, apaman la ta adda maipalapayag a maysa nga angaw; awan dagitay dandaniw, awan
dagitay naragsak a sasao; isuna la nga iti sagpaminsan, adda
nadagsen nga angaw ken kinnasir ka dagiti babassit. Dagiti
dadakkelen istay patinayon a narangada ken nasayaat ti gunay da a kas ka dagiti agad-adal nga aleman.
Ni Placido sinurutna ti Paseo de Magallanes a mapan sumbrek iti bet-ang idi, ruangan ti Santo Domingo; pagammuannan, adda simmipat iti abaga na, ket dinagusna ti timmaliaw a sipupungtot.
—¡Ole, Penitente, ole, Penitente!
Daydi, iso ni kaadalan na a Juanito Pelaez, ti barbero wenno kaay-ayo dagiti mangisursuro, awan kas kenkuanan iti kinapilyo ken kinadakes; ti panagkitkita na, nasikap, ket ti isem na, isem ti bulbullagaw. Anak ti maysa a mestiso-kastila,—nabaknang nga agtagtagilako iti maysa kadagiti arrabal, iso nga amin a ragsak ken inanama na insaadna iti kinalaing ti ulo ti anak na—ado ti maikari na gapo iti kinasutil na, ket yaman pay iti kadawyan na a mangrabrabak kadagiti amin a tattao, sa aglinged iti likudan dagiti kakadua na, adda naipadpaduma unay a kubbo na a kasla umadadda tunggal agaramid kadagiti minamauyong ken nakakatkatawa.
—¿Kasano ngad la a panagragragsak mo, Penitente?— sinaludsudna, ket sinipatna iti napigsa ti abaga ti kadua na.
—Kastoy, kastoy,—insungbat ni Placido, a kasla napnuan bassiten,—ket, sika?
