—Nalaka unay. Nganngani iso amin nga armas de salon, innem a milimelro ti kalibre da, kasta amin dagiti adda a lako ditoy. Ipalubos ti panaglako kadagiti awan innem a milimelro da!
Isuda amin dinayawda ti napanunutan ni Simoun, malaksid daydi nangato nga agturay, iso a nangyarasaas ken Padre Fernandez a ti kasdi saan a natakneng ket saan a maikari a naganen panagturay.
—Ti maestro sadi Tiani,—intuloy ti sekretario. a linukib-lukibna dagiti ado a pappapel,—dawatenna a maikkan iti nasaysayaat a balay a pangisuruan, tapno. . .
—¿’Ania pay la a balay no adda ngad maysa a kamalig nga agpaay kenkuana nga is-iso?—insamang ni Padre Camorra, nga iminasideg ket nalipatannan ti tresilio.
—Kunana nga awan atep na,—insungbat ti sekretario, ket gapo ta pirak na ti naigatang kadagiti mapmapa ken kukuadro, dina mabalin a baybay-an ida a matudtuduan!. . .
Ngem siak awan bibiang ko iti dayta,—indayamudom ni Ekselensia; — mapan iti Direktor de Administration, wenno iti Gobernador ti Pangukuman wenno iti Nuntio (Pannakabagi ti Papa). . .
—Ti ket ibagak ka dakayo,—kinuna ni Padre Camorra, —dayta a maestrilio, maysa a pilibusterilio a di mapmapnek; dpatienyo a daytay ereje inna iwarwaras nga agpadpada a mabuyok ti maipunpon iti narambak ken ti saan? !Addanto aldaw a innak sulung-sulungen!
Ket ni Padre Camorra pinetpetanna ti gemgem na.
—Ket no paypaysuen ti agsao,—kinuna met ni Padre Sibyla, a kas no ni Padre Irene laeng ti kasasao na;—ti mayat a mangisuro, mangisuro uray sadino, uray iti langalang: ni Socrates nangisursuro kadagiti lanlansangan dagiti il-ili, ni Platon kadagiti minminuyungan ni Akademo, ket ni Kristo kadagiti banbantay ken dandanaw.
—Aduda dagiti as-asog a dimteng kaniak maipanggep iti dayta a maestrilio, — kinuna ni Ekselensia a nakikinnita ken Simoun, kunak a naim-imbag no mapasardeng.
—¡Maikkat!—inulit ti sekretario.
Nasnaayan daydi nangato nga agturay iti gasat daydi nakakaasi a duinatvat iti tulong, ket nasarakanna ket ngad ti pannakaikkat nan, ket kinayatna nga insakit.
—Ti ket pudno,—kinunana, nga adda bassit amak na,— ti panagsursuro saan unay a nasayaat ti pannakataripato na. . .
