Page:The dairyman’s daughter; Bob the sailor boy.pdf/62

From Wikisource
Jump to navigation Jump to search
This page has been proofread.
58
ᎳᏫᏅ.

ᏩᏒ ᏕᏅᎨᎢ, ᎠᎴ ᎥᏝ ᎩᎶ ᏫᏥᏯᎦᏔ ᏰᎵᏍᎬᎢ, ᎤᏲ ᎢᏳᏛᎿᏕᎩ ᎠᏧᏣ ᎤᏩᏒᎯᏳ ᎤᏪᏙᎵᏤ ᏂᎦᎥ ᎤᏲᎢᏳ ᏄᏛᏅᎢ, ᎠᎴ ᏮᏓᏥᏴᎵ ᏣᏓᏯᎦᏔᏂ ᎤᏪᎵᏎᎢ. ᎰᏩᏃ ᎠᎩᎨᎳᏫᏍᏗᏱ ᏭᏠᎠᏎᎢ, ᏫᏅᏑ- ᎸᏃ ᎦᎶᎯᏍᏗᏱ ᎤᏍᏚᎢᏒ ᏭᎵᏍᏔᏁ ᎯᎠ ᏫᏄᏪᏎᎢ, "ᏂᏣᎬᏫᏳᏌᏕᎩ, ᎦᏙ ᎤᏍᏗ ᏣᏢᎬᎢ?" ᎤᎿᎸᎯᏳ ᏧᏁᏤ ᎯᎠ ᏅᏪᏎᎢ, ᎦᏙᏃ ᏗᎭᏛᏛᎲᏍᎦ? ᎤᏟ ᏫᎶᎯ." ᎠᏎᏃ ᏫᎤᎩᏨᏅᏉ ᏑᎾᎴᎢ ᏔᎵᏁ ᏭᏴᎴᎢ--- "ᏂᏣᎬᏫᏳᏌᏕᎩ ᏏᏲᏍᏛᏉ ᎨᎵ," ᏭᏬᏎᎴᎢ; "ᎳᏫᏅ, ᎤᏣᏘᏉ ᎠᎩᏢᎦ--- ᎠᎴ ᎤᎵᏨᏓᏆᏛ ᎤᏣᏘ ᎠᎩᏢᎩ." "ᏗᎬᏲᏑᎵᏏ ᏗᏦᏰᏂ ᎠᎴ ᎬᎬᏍᏉᏣ, ᎤᏣᏘ ᎣᏏᏳ ᏯᏓᏅᏓᏓ," ᎤᏬᏎᎴ ᎠᏧᏣ. ᏄᎬᏫᏳᏌᏕᎩᏃ ᎣᏏᏳ ᎤᏰᎸᏁᎢ. DᏧᏣᏃ ᎾᏍᎩ ᏄᏛᏁᎸ, ᎾᏍᏉ ᎯᎠ ᏄᏪ- ᏎᎴᎢ, "ᏍᎩᎾᏝᎢ ᎬᏍᏙᏱ." ᎾᏍᏉ ᎣᏏᏳ ᎠᏥᏰᎸ Ꮎ ᏁᎴ ᎾᏍᎩ ᎢᏳᏛᏁᏗᏱ. ᎤᏰᏍᏛᎢᏌᏅᏃ ᎤᏂᏏᏗᏱ ᎾᏍᏉ ᎤᏔᏲᏎᎴ ᎤᎦᎶᎬ-ᎠᏙᏔᏅᎯ ᎤᏁᏦᎮᏗᏱ. ᎯᎠ ᎾᏍᎩ ᏄᎬᏫᏳᏌᏕᎩ ᎠᎦᏔᎮ ᎪᎱᏍᏗ ᎠᎾᏛᏁᎯ ᎿᏉ ᎦᎬᏪᏙᎵᏍᏗ ᏂᎨᏒᎾ ᎨᏒᎢ, ᎠᎴ ᏚᏭᎪᏕ ᏧᏓᏅᏛ ᎪᎱᏍᏗ ᏧᏔᏲᏎᏗᏱ ᏂᎨᏒᎾ ᎨᏒᎢ. "ᎤᏟ ᎬᎩᏰᎸᏗ ᎠᎩᏲᎱᎯᏍᏗᏱ ᎡᎵᏍᎨ ᏧᏓᏅᏛ ᏑᏓᎴᎩᏉᎤᏅ ᎪᎱᏍᏗ ᎦᏥᏔᏲᏎᏗᏱ." ᎯᎠᏍᎩᏂ ᎤᏲ ᎢᏳᏛᎿᏕᎩ ᎠᏧᏣ ᎤᏓ- ᏅᏘᏳ ᎨᏒ ᎤᏣᏘ ᎠᏓᏅᏖᏍᎨᎢ--- ᎠᎴ ᎤᎵᏨᏯᏍᏗᏳ ᎨᏒ ᎡᏍᎦ ᏄᎵᏍᏓᏁᎴᎢ, ᎠᎴ ᎤᎧᏛ ᏔᎷᎩᏍᎩ ᎢᎬᏩᏍᏓᏲᏒᎯ ᎾᎿᏂ ᏙᎦᎶᎴᎨ ᏧᎦᏌᏬᎸᎯ.