ᏍᏗᏍᎨᏍᏗ ᎾᏍᎩ ᎢᏳᎾᏍᏗ ᏄᏂᏂᎬᎬᎾᏉ ᎢᏳᎵᏍᏙᏗᏱ ᎤᏃᎯᏳᏒᎢ, ᏧᏁᎿᎢᏃ ᎤᏂᏂᎩᏗᏳᏉ ᎾᏍᎩ ᎢᏳᏍᏗ ᎨᏒ ᏭᎾᏙᎴᎰᏏᎯᏍᏗᏱ.
ᎠᏓᏱᎶᎮᎰ ᎤᏣᏔᏅᎯ ᎠᏓᏅᏖᏗ ᏂᎦᎵᏍᏗᏍᎪ, ᎠᎴ ᎣᏐ ᏂᎬᏩᏍᏙ ᎾᏍᎩ ᏂᎦᎵᏍᏗᏍᎬᎢ ᎣᏓᏅ- ᏖᏗᏱ, ᎢᏳᏃ ᎠᎪᎷᏂᏓ ᏓᎵᏃᎮᎵᏙᎸ ᏗᎦᏓᎪᏁᎶᏨᎯ ᎨᏒ ᏗᎦᎵᎢ. ᏂᎦᎣ ᎾᏍᎩ ᎯᎠ ᎢᏳᏍᏗ ᎠᏓᏅᏖᏗ ᎨᏒᎢ, ᎧᏁᏉᎪ ᎯᎠ, ᎢᏳᏃ ᎤᎾᎴᏂ- ᏙᎸᎢ, ᎤᏁᎳᏅᎯ ᎤᏂᎨᏳᎯᏳ ᎢᏳᎵᏍᏔᏅᎯ ᏥᎨᏐᎢ, ᎠᎴ ᎾᏍᎩᏉ ᎤᎾᏤᎵ ᎨᏒ ᏫᎬᏩᏂᏲᎱᏏᎸᎯ ᏥᎨᏐᎢ! ᎥᏓᏅᏛᎵ ᎯᎸᎯᏳ ᏄᎵᏍᏔᏂᏙᎸᎢ ᎠᎴ ᏄᏍᏛ ᏕᎦᎵᏃᎮᎵᏙᎸᎢ, ᎾᏍᎩ ᏅᏩᏙᎯᏯᏛᏉ ᏫᏄᎾᏛᏅ ᎢᏕᎵᏍᎩ ᎨᏒᎢ, ᎤᎧᎵᏨᎯᏉ ᏂᎦᎵᏍᏗᏍᎪ ᎣᏒ ᎢᎦᏓᏅᏓᏗᏍᏗ ᎨᏒᎢ, ᎠᎴ ᏔᎵ ᎠᏛᏗᏍᎪ ᎤᏓᏅᏖᏙᏗ ᎨᏒᎢ, ᎠᎴ ᎢᎩᏂᎳᏕᎰ ᎤSᎩ ᎢᎬᏗ ᎨᏒ ᎾᎯᏳ ᎢᎦ ᏂᎦᏗᏳ ᏂᎪᎯᎸ ᏗᎦᎦᎴᏅᏗ ᏂᎨᏒᎾ ᎢᎦᏓᏟᏐᏗᏱ, ᎾᎯᏳ ᎤᏁᎳᏅᎯ ᎦᎸᏉᏗᏳ ᎨᏒ ᎦᎾᏄᎪᏥᎸᎭ. ᎤᏁᎳᎩ ᎤᏁᎿᎢ ᎠᎴ ᎤᏲᏉ ᎢᏳᎾᏛᎿᏕᎩ ᏱᎾᎩ ᎠᏂ ᎡᎶᎯ ᎨᏒᎢ; ᏄᎵᏌᎶᏛᎾᏰᏃ ᎾᏍᎩ ᎯᎠ, ᎢᏳ ᏯᏓᏅᏕᎸ ᎤᏂᎬᏫᏳᎯ ᎠᎴ ᎠᏥᎸ ᎠᏁᎶᎯ TᏳᎾᎵᏍᏙᏗ ᎨᏒᎢ ᎤᏁᎳᏅᎯ ᏧᏤᎵᎦ ᎤᏟᎯᏳ ᎤᏓᎵᏁᎯᏯᏛ ᎾᏍᎩ ᎯᎠ ᏗᏓᏅᏖᏗᏱ. ᎤᏅᏗ ᎦᏃᏗᏍᎩ ᎤᏪᏥ ᎤᏓᏑᏯᎯᎸᎯᏳ ᎣᏍᏛ ᎠᏆᏓᏅᏓᏗᏍᏗ ᎢᏳᎵᏍᏔᏅᎯ ᎨᏒ, ᎾᏍᎩ ᎯᎠ ᎣᎩᏁᎢᏍᏔᏂᏙᎸᎯ ᎤᏓᏙᎵᏣᏘᏳ ᎠᎴ ᎦᎸᏉᏗᏳ ᎨᏒ ᎤᏁᎳᏅᎯ ᎤᏤᎵᎪᎯ ᎨᏒᎢ, ᎿᏉ ᎠᏗᎾ ᏛᏥᏁᏉᎢ
