— 42 —
EMILE
Oho, vos n’ håbitez pus k’ des rintîs vos mame !
DADITE (djoyeuse)
Leyîz m’ on pô dire… Dji vén don do fé l’ voye avou madame Fordjeu, nos djåzîs di traze a catoize, cwand vola k’ ele mi dmande si sji n’ va nén ouy å concert amon Ruth… — O k’ neni, di dj’ mi, vos comprindez bén ki les concerts et les bals ci n’ est pus des berikes di m’ tins edon ! — A ! dit-st ele, dj’ î va bén mi k’ est pus viye ki vos. — A ! mins madame Fordjeu, vos avez ’ne båshele a miner å bal, dê vos. — Bén alez dit-st ele, si minme dji n’ aveu nole dj’ ireus co, on dvént bén trop vite vî cwand on dmeure tofer divins ses coulêyes… Et vosse fi Emile don n’ î va-t i nén ? — O ! di dj’ dji n’ sai måy wice ki m’ fi va, edon, les djonnes omes, madame Fordjeu, çoula spite cial et la, on n’ sait måy wice k’ i sont. Nos djåzîs co di totes sôres, cwand arivêye adlé s’ måjhone, ele mi djha : — Djans, madame Porea, ni vs resserez nén si foirt, disbåtchîz vost ome et vosse fi po vni amon Ruth, nos nos î voerans et nos frans voye eshonne po rivni.
EMILE
Et bén disbåtchîz m’ popa, loukîz mame, si vos volez, dji vs dinrè on côp d’ mwin ; lu non pus n’ va måy nole pårt, et i våt beacôp mî k’ i våye passer s’ shijhe amon Ruth k’ å cåbaret. La, do moens vos vs amuzrez
