Page:Théophile Bovy - Li grandiveuse, 1899.djvu/rif/27

From Wikisource
Jump to navigation Jump to search
This page has been proofread.

— 26 —

DADITE (meprijhante)

Taijhîz vs don m’ fi, li feme c’ est des si ptitès djins dê, et si vos avîz cnoxhou ses parints come mi c’ esteut co bråmint pé !

EMILE

O ! mame, i n’ fåt nén les blåmer po çoula ; si les djins ont parvinou a esse mî k’ leus vîs parints, ci n’ est ki d’ l’ oneur por zels.

DADITE (metant l’ nape sol tåve)

O ! i n’ ont nén parvinou… i n’ sont todi k’ des ptits ovrîs, mins i vôrît bén l’ peter hôt. C’ est damadje k’ i n’ åront måy li toû. Les Gårnir serît minme ritches, coviets d’ ôr et d’ årdjint ki ci sereut todi zels. On tchet piede ses poyaedjes mins n’ piede nén ses manires.

EMILE (soriyant)

Dji croe k’ vos n’ inmez nén ces djins la, mi mame !

DADITE

O ! dji n’ les hai nén, mins dji n’ håbite voltî ki des djins a m’ convnance (meprijhante) et les Gårnir…

EMILE (riyant)

C’ est des trop ptitès djins, edon !

DADITE

Dji n’ inme nén d’ les håbiter et dji dinreu gros po k’ i n’ vinaxhîxhe pus cial.

EMILE

(alant loukî dvins les marmites)

Djåzans on pô d’ ôte tchoi. Li soper est t i presse ?