Bī tast, nā tacair do scēl,
a Ḟergais na narm nimthrēn!
tar cach feronn, tar cach[1] fond
damsa nība hanborrlond.
Robad ferr leam inā lūag,
a Chuchulaind claidebrūad,
co mbad tu doberad[2] sair[3]
coscar Ḟir Diadh dimosaigh.[4]
Dobēr mo c[h]obais cen chāin,
acht nī maithse d'imarbāig,
co mba[5] mē būaideōchus de
ar mac Damāin meic Dāire.
Mē tharclaim na slūaigsea soir,
lūach mo sāraichthi[6] d'Ultaib:
leam tāngatar ō tírib
na curaid, na cathmīlig.[7]
Manbad Conchobar 'na c[h]es,
robo crūaid abar[8] comeas:
nī thánic Medb Maigi in Scāil
turus riam bud moa congāir.
Itā fedm is mō ad lāim,
gleō re Fer nDiad mac nDamāin
airm chrūaid chadaid cardid[9] roind
bid acot, a C[h]ūchulaind." A Culaind.
Asa haithli sin, "Cid immo tānacais, a mo popa, a Ḟergais?" or Cūchulaind. "Isī sin mo thoisc," or Fergus. "Maith sēn ⁊ solad," for Cūchulaind, "nāch nech aile do feraib hĒrenn tēnic frisin toisc; acht mani dāildis ceit[h]ri cōicid hĒrenn uile inn ōenfecht,[10] nephnī lem robad re nēnlǣch dam." Tānic Fergus remi iartain da pupull imus ara (?)[11].
- ↑ tar cach later in marg.
- ↑ ad on erasure
- ↑ added above
- ↑ g has been altered later from t, and the mark of aspiration added; leg. díummasaig
- ↑ b added later above
- ↑ ms. saraichi with t added later below h
- ↑ leg. cathmílid
- ↑ Originally, af (?); f (?) altered later to b and ar added: leg. ar comadchess
- ↑ id added above
- ↑ f added later
- ↑ ms. imus, with ara added later below.
