Tintāi Cūchulaind aithirrach i mMag Muirthemne. Ba diliu lais imdedail[1] a mennato feisin. Iar tīachtain iarum geguin firu Crōiniche,[2] .i. Focherd[3] .xx.[4] fer Focherdde. Dosnetarraid oc gobāil[5] dūnaid dōib, .x. ndeogmaire[6] ⁊ .x. fēndidi.[7] Tintā[8] Medb antūaid aithirrach,[9] a[10] roan cōicthigis oc[11] indriud in c[h]ōicid, ⁊ ō rofich cath fri Findmōir[12] mnāi Celtchair maic Cuitheochair,[13] ⁊ dosbert .l. mban iar togail Dūin Sobairc[h]e fuirri hi crīch Dāilrīadai.[14] Nach airm trā i Cuib i rosāidi[15] Medb echfleisc, is Bile Medba a ainm. Cach āth ⁊ cach diṅgnai occoairfīu,[16] is āth ⁊ dignai[17] Medba a ainm. Cotregat[18] uile iarum oc Focheird id dib sꝉ Medb[19] ⁊ in fiallach timthacht in tarb. Ocas[20] gabais a būachaill[21] a tarb ṅdīb,[22] conidtimtachtar (?)[23] taris i mbernai nimchumaing[24] la crand for sciathu. Conidmbertadar[25] cosa na slabra triasin talmain. Forgaimen a[26] ainm in būachalla. Notta[27] and iarum, conid de[28] ainm in c[h]nuic Forgaimen.
Nī bāi imneth foraib trā isinn aidche,[29] acht adcotad[30] fer do dingbāil Conculaind for āth ūaidib namā.[31]
【[LU. 70b[32]] "Guitter cardi chlaidib úand for Coinculaind," or Ailill. "Tíat Lugaid fris," ol cāch. Tēit iarom Lugaid día acallaim. "Cinnas atūsa innosi ocont slōg?" for Cūc[h]ulaind. "Mór ém in cuitbiud condiachtais forro" for Lugaid," .i. do mná ⁊ t' ingena ⁊ leth do bó duit. Ocus is trummu leō a nguin ⁊ do bíathad indá cach ní." Dothuit fer cach lái leis co cend sechtmaini andsin. Bristir fír fer for Coinculaind; láitir fichi i nóenfecht día saigid, ⁊ nosgeogainsium uli. "Ēirg cuci, a Fergus," for Ailill, "condaraib[33] clǣmchlód magni lais." Tíagait iarom co mbatár hí Crōnig. Issed dorochar leiss ar galaib ōenfer isin maginsin .i.
- ↑ imdeguil LU: leg. imdegail
- ↑ crocine (nō croiniche) LU.
- ↑ focherda LU.
- ↑ .xx. on an erasure, with a letter erased after it
- ↑ gabáil LU.
- ↑ ndeogbaire LU.
- ↑ fénnide LU
- ↑ Tintái LU.
- ↑ aitheruch atúaid LU.
- ↑ ó LU., recte
- ↑ cóicthiges oc LU.
- ↑ fri add. LU.
- ↑ Uthidir LU.
- ↑ Dailríatai LU.
- ↑ inrosaidi LU.
- ↑ ocárfíu LU.
- ↑ dindgna LU.
- ↑ Condrecat LU.
- ↑ dib sꝉ on an erasure: oc Focheird etir Ailill ⁊ Medb LU.
- ↑ On an erasure: Acht LU.
- ↑ mbúachaill LU.
- ↑ dib LU.
- ↑ From t to ċ on an erasure; after t, i and a are clear, then comes apparently t, and after it a, which may have been altered from h: ɔidtimachtatár LU.
- ↑ cumaing LU.
- ↑ Conidbertatar LU.
- ↑ om. LU.
- ↑ This looks as if it were originally Nata altered to Nota, with a second t added later under the line: Atá LU.
- ↑ hé LU.
- ↑ isind aidchisin LU.
- ↑ d has been added over a: adchota LU. = O. Ir. adcotae
- ↑ namá úadib LU.
- ↑ The whole of the following passage in brackets is taken from LU. (70b33 to 72b24). It does not occur in YBL.
- ↑ recte con-dan-raib
e 2
