Page:Tain Bo Cuailnge.djvu/51

From Wikisource
Jump to navigation Jump to search
This page has been validated.
39
TÁIN BÓ CÚAILNGE

“a Medb co mbāise nātguthcluiniur fothūathaib nimtorais[1] ar nimthā mac moethlig frigailte ar Emain.[2] Mōrbuille for tūathaib nī biu romlēicc ditleccaib namiarair numtiagar[3] culaid[4] dimaith[5] lesa arfechtaib cosin dala nde.[6]

Dothæt[7] Cūchulaind co mbōi oc Āth Chruind ara cind.[8] “A popa, a Lāig,[9]” olse ria[10] araid, “dofil na slūagu dūn.” “Artungu[11] dēu,” ol int ara, “firfeasa[12] ardchleas ar bēlaib eirred hi coicill chumucc for eachaib seṅgaib co cuṅgaib argaid co ndrochaib ōrdaib for būada berthar[13] cichis ar cendaib[14] rīg oconicim[15] adberad[16] būaid arāu scindaireacht.” “Emde a Lūíg,[17]” ar[18] Cūchulaind, “ɔgaba ēissi fri mōrbūaid Maichi[19] nitsreṅgat[20] tar drong fri humed mnā muidme dar muig deiriuch[21] mc fri[22] sceō aitti ailmi [26b] fri hetnai echroth sceō Ail˘ Medba melleth fri himthecht diēis roslūagaib.” “Adeochosa,[23]” or Cūchulaind, “ina huisci do chungnum frim. Adeoch nem ⁊ talmain ⁊ Chruind inthainrethaich.[24]

Gaibaid[25] Crōn cōidech friu; nīslēicfe Murthemne,[26]
co roisc monar fer Fēne[27] isint Slēb tūath Ochaine.[28]

Lasodain cotnoccaib int uisciu[29] sūas co mbōi ind nindaib[30] crand.

Tēit Mane mac Ailella ⁊ Medba ria cāch. Araslich[31] Cūchulaind forsinn[32] āth, ⁊ bātir trícha marcach día muindter isinn[33] uisci. Doscara[34] Cūchulaind dā shē[35] ṅdēc lǣch[36] dīb aitherroch imon nuisci. Focherdad a puible[37] iconn[38] āthsin. Dotēt[39] Lugaid mac Nōis[40] Allchomaig[41] do acallaim Chonculaind tricha marcach. “Fochen daid a lLugaid,[42]” ol Cūchulaind. “Dia foigela[43] ēnlaith[44] Mag Muirthemne, rotbīa[45] cadān[46] co leith

  1. nimthorais LU.
  2. emuin LU.
  3. namiarair (.i. nantiagar) LU.
  4. cosinnulaide cúlaid LU.
  5. gl. .i. diroirben.
  6. cosin dala nde om. LU.
  7. Tothét LU.
  8. chind LU.
  9. a popa Lóig LU.
  10. fria LU.
  11. artungsa LU.
  12. firfassa LU.
  13. bertair LU.
  14. chennaib LU.
  15. aconicim LU.
  16. toberat LU.
  17. Émde a Láig LU.
  18. or LU.
  19. mache LU.
  20. nisrengat LU.
  21. tíarmaig derúich LU.
  22. om. LU.
  23. adeochosa (.i. atgim) LU.: leg. ateochsa
  24. int sainrethaig LU.
  25. gaibid LU; gébaid above l. 205
  26. muirthimiu LU; leg. i muirthemniu
  27. corroirc monar féne LU.
  28. ocháine LU.
  29. usci LU.
  30. i nindaib LU.
  31. araslig LU.
  32. forsind LU.
  33. muintir isind LU.
  34. Toscara LU.
  35. sé LU.
  36. ndaglæch LU.
  37. Focherdat a puiple LU.
  38. icond LU.
  39. tothǽt LU.
  40. úi Lomairc add. LU.
  41. gl. .i. techt taidech LU.
  42. dait a Luiḡ LU.
  43. fóigela LU.
  44. énflaith LU.
  45. rotbía LU.
  46. caud (.i. cadán) LU.