doc[h]um nŌrlāim. Gontai ⁊ benaid a cheand de ⁊ rusecroth a cend[1] frisin slōg. Dobeir in cend for muin ind arad iarsin ⁊ adbert: “Ber lat sin,” or Cūchulaind,[2] “⁊ teidsi[3] don dūnad[4] amlaid. Minap[5] samlaid thēis,[6] roticfa[7] cloch hūaimse isin[8] tailm.” A ndochōid ind ocus[9] don dūnad,[10] tīsca a cend dia muin, ⁊ adfēd a imtheachta do Meidb ⁊ Ailill. “Nī frithid[11] bid eissine ēm,” olsi. “Ocus asrubart[12] mani thucaind for mo muin doc[h]um in dūnaid, dobrisfead[13] mo chend formsa co cloich.” Slicht sain so sīs co comruc trī mac Gārach ⁊ blag[14] bec de iarmmo ardāig dlūthaigi in sceōil.[15]
Ansaid iarsin trī maic Gārach fora nāth. It hē a nanmand[16]-side .i. Lon ⁊ hŪalu, ⁊ Dīliu. Mislir[17] ⁊ Meslōech ⁊ Meslethan a trī naraid.[18] Ba forōil leu a ndorigne Cūchulaind .i. dā macdalta ind rīg do guin ⁊ a macc, ⁊ crothad in c[h]ind frisin slōg. Co rubaitis Conchulaind[19] tara ēisi ⁊ co ndergabdaís a nōenur a nimnethsin[20] dind tslōg.[21] Beantadar trī fidot dia naradaib,[22] co roltis[23] glied fris a seisiur. Nosgeodainseom[24] huile iarum ūair[25] rombrisiset[26] fīr fer fair. Robōi ara Ōrlāim intansin itir Ailill ⁊ Meidb. Tanetat Cūchulaind[27] cloich fair, co mmemaid a chend, co tānic a inchind fora chlūasa .i. Ferteidhil[28] a ainm. Nī fir trā[29] amlaidso[30] nā marbad Cūchulaind[31] arada.[32] Nī marbad cen c[h]inaid.[33]
Bāgais Cūchulaind hi Mēithiu, port iarsin i naiciged[34] Ailill nō Medb, focichred[35] cloich asa thabbaill[36] forru. Dognīseom ōn dino[37] .i. dollēici cloich asa thailm, co nort in togmall bāi for gūalaind Medba frisin nāth anndeas. Is de atā Mēithi Tog. Ocus ort ind ēn[38] bōi for gūalaind Ailella.[39] Is de atā Āth Mēithi
- ↑ a chend LU.: leg. a cenn
- ↑ Cú LU.
- ↑ Over d a faint mark of aspiration: tési LU., recte
- ↑ dúnud LU.
- ↑ manip LU.
- ↑ téis LU.
- ↑ fa on an erasure
- ↑ asin LU.
- ↑ i noccus LU.
- ↑ dúnud LU.
- ↑ fríthid LU., which has a gloss: .i. ní inund ⁊ en do gabáil
- ↑ asrubairt LU.
- ↑ brisfed LU.; leg. nobrisfed
- ↑ MS. blgͣ, with a later in paler ink
- ↑ Slicht...sceoil om. LU; in YBL ardaig...sceoil are added on the margin in a different hand
- ↑ and under the line
- ↑ Meslir LU.
- ↑ antri araid LU: leg. a trí araid, or anmand a trí narad?
- ↑ Coinculaind LU.
- ↑ sin on an erasure
- ↑ s added later under the line
- ↑ The second a added later under the line
- ↑ coróiltis LU.
- ↑ nosgegoinseom LU.
- ↑ iarum uair: iar | núair LU.
- ↑ robrisiset LU.
- ↑ Tanettat (.i. teilgid) Cú LU.
- ↑ idhil added later on an erasure
- ↑ on an erasure
- ↑ amlaidsin LU.
- ↑ Cú LU.
- ↑ After arada ni has been erased: aradu LU.
- ↑ After cen is an erasure with a reference to cinaid which is written later on the margin: Ní marbad ém cen chinaid cipinnus LU.
- ↑ i nacciged LU.
- ↑ fochichred LU.
- ↑ thábaill LU.
- ↑ dano LU.
- ↑ in nén LU.
- ↑ The second a later under the line
