Page:Tain Bo Cuailnge.djvu/38

From Wikisource
Jump to navigation Jump to search
This page has been validated.
26
TÁIN BÓ CÚAILNGE

thūath, noconimbērasam[1] for Ultu a clessin doriisi dianotairle[2] monāis[3] mo phopa C[h]onchobair as mo lāimsea. Bid lāim[4] deōraid dō.” Sreithis[5] fair iarum in sleig, co mmemaid a druim trīt. Tobert[6] leis a ḟoidb[7] ⁊ a chend[8] iarsuidiu. “Foichle in fer naili dino,[9]” ol int ara. “Fandall dino[10] a ainmside. Nī truma doéssa[11] in nuisci oldās ela no fandoll.” “Tongasa[12] dino[9] nochonimbēra[13] for Ultu in clessin[14] dorīsi,” ol Cūc[h]ulaind. “Atcondarccaisiu[15] ēm,” olse, “indus imatīagsa in lind oc Emain.” Conddrecad iarum isinn[16] āth. Gonaidsom dino[9] in fersin ⁊ dobert a chend ⁊ a fodb lais. “Foichle in fer naili dothoet[17] chucut,” ol int ara. “Tūaichell a ainm. Nī leasainm dō dino[9] air nī thuit di arm itir.” “Ondar dossom in del cliss[18] dia mescad, conidnderna rethederg[19] de,” or Cūchulaind. Srethais[20] fair iarum in slig, conidralla ina ɔ̔suidiu. Dolluid a dochum iarum ⁊ benaid a chend de. Dobert Cūchulaind iarum a chend ⁊ a fodb lais dia araid fadessin. Co cūala iarsuidiu fāid[21] a mmāthar ina ndíaid .i. Nechta Scéne. Dobeir a fodb di siudiu[22] ⁊ dobeir na trī cind lais ina charpat, ⁊ adbert[23]: “nī fuicēb mo choscor thrā,”[24] olse, “co rrīs[25] Emain Macha.”

“Documlat Emain Macha iarum as[26] cona coscor. Is annsin asbert Cūchulaind frisin naraid: “Dorairngertaisiu dagimrim[27] dūnd,” or[28] Cūchulaind, “⁊ rosnecom a lleass anosa[29] dāig[30] in tresa[31] ⁊ inna īara[32] fil inar ndīaid.” Imrīadat iarum co Slīab Fūaid. Ba hē lūas ind ērma donucsad iar mBregaib iar ngrīsad ann ara,[33] co togrennitis ind eich fon c[h]arpat in gāith ⁊ na hēonu for lūamain, ⁊ co toirthead[34] Cūchulaind ind[35] nurchur dollēiced asa thailm riasū rīsed talmain.

“Iar tīachtain[36] dōib Slēbe Fūait forrecad alma noss nand ara cind.[37] “Cissī slabra in dīscersa thall?” or[28] Cūchulaind. “Ois alta,” ol int ara. “Caidi,[38]” or Cūchulaind, “bad ferr

  1. noconimberasom LU.
  2. dianotárle LU.: leg. diantairle
  3. mánáis LU.
  4. m LU.
  5. sréthis LU.
  6. ert on an erasure: dob˘ LU.
  7. fodb LU.
  8. a cend LU.
  9. 9.0 9.1 9.2 9.3 dano LU.
  10. om. LU.
  11. Of the a there are only faint traces: trummu doessa in nusce LU.
  12. Tongusa LU.
  13. noconimberasom LU.
  14. The second s has been added over the first
  15. ai is later, under the line: atconnarcsu LU.
  16. issind LU.
  17. dothǽt LU.; leg. dothét
  18. chlis LU.
  19. derg later, on an erasure
  20. srethius LU.
  21. fóid LU.
  22. sudiu LU.
  23. asbert LU.
  24. The mark of aspiration is later: trá mo choscur LU.
  25. co rríus LU.
  26. Documlat ass iarum LU.
  27. dagérim LU.
  28. 28.0 28.1 ol LU.
  29. indossa LU.
  30. diág LU.
  31. tressa LU.
  32. iarra LU.
  33. ann ara: ind arad LU.
  34. tairthed LU.
  35. in LU.
  36. riāchtain LU.
  37. ciund LU.
  38. Cia dé LU.