assa c[h]arpat[1] feisin dosmbert[2] a talmain, co nacadar[3] ba ōenleūd a bun. “Is tabartha do airi,” ol Oilill, “indus in cheneōil[4] cosatīagam. Ergnad[5] cāch hūaib a bīad—nīrbo sām dūib[6] irrāir lasin snechta—⁊ indister dūn nī do imtheachtaib ⁊ do airscēlaib in c[h]eneúil cusatīagam.”
Is andsin trā adfeasa dōib imthechta Conculaind. Imchomairc[7] Ailill iarum: “Inn ē Conchobar dorigne inso[8]?” “Nāch ē,” or[9] Fergus; “nī terghadside[10] co hor crīchi cen līn catha imbi.” “Ceist. inn ē Celtchair[11] mac Cuithidir[12]?” “Nāch hē. Nī thargadside co hor crīchi cen līn catha imbi.” “Ceist. inn ē Eōgan mac Derthacht[13]?” “Nāch ē,” ol Fergus, “nī thargadside tar or chrīchi[14] cen tricha cēt carpat[15] nimrinn imbi. Is hē fer dogēnad in gnīm,” ol Fergus, “Cūc[h]ulaind; is ē nobenfad a crand ōenbēim[16] dia[17] bun, ⁊ nogēnad in cethrar in praipi[18] rombītha, ⁊ daragad[19] dochom crīchi ⁊ a ara.”
“Cindus fer,[20]” ol[21] Ailill, “in Cū rochūalammar la hUltu? Cia ǣs in gilla[22] sin is airrdric[23]?” “Nī ansa, ēm,” ol Fergus; “inna [18a] c[h]ūiced blīadain luid dia chuindchid[24] gasgid[25] cusin macraid do Emain Macha[26]; isin seachtmad[27] blīadain luid do foglaim gaiscid ⁊ cleas[28] la Scāthaich,[29] ⁊ luid do thochmorc nEmeiri[30]; isinn ochtmad[31] blīadain gabais gaisced. Isin seachtmad[32] blīadain dēc a ōes ind inbaidsi. “Ann ē[33] sin as ansam fil la hUltu?” ol Medb. “For cach nāi ēm,” ol Fergos. “Nī fairgēbasu ar do chind lǣch bas ansum,[34] nā rind bis āithighiu,[35] nā fīach bus feōilchairiu[36] nā bas bus athluime, nā lāth bus luindiu, nā comlond aesa[37] radsia co trian,[38] nā leō bus feochra, nā clāriudh[39] comlaind, nā hord esoircne,[40] nā comla ergaile, nā brāth for buidne, nā hergairi mōrslūaig bas indraiciu. Nī
- ↑ charput LU.
- ↑ dosbert LU.
- ↑ ɔaca LU.
- ↑ oi added later under the line
- ↑ érgnad LU.
- ↑ dóib LU.
- ↑ airc on an erasure: imcomarc LU.
- ↑ seo LU.
- ↑ ol LU.
- ↑ The mark of aspiration is later
- ↑ Celtchar LU.
- ↑ Uthidir LU., recte
- ↑ Durtacht LU.
- ↑ tar or co cocriche LU.; leg. tar or cocriche
- ↑ MS. cairp˘: cen tríchait carpat LU.
- ↑ óenbémim LU.
- ↑ a added later under the line: di LU.
- ↑ in cethrur ucut hi prapi LU.
- ↑ doragad LU.
- ↑ cinnas fir LU.
- ↑ or LU.
- ↑ gillai LU.
- ↑ irdairc LU.
- ↑ There is a dot above and a dot below the first h
- ↑ dia chuindchid gasid; gasgid added later over the line: dia cluchiu LU.
- ↑ Machi LU.
- ↑ isint ṡessed LU.
- ↑ chless LU.
- ↑ Scáthaig LU.
- ↑ ⁊ luid ... Emeiri om. LU. LU. has a marginal note: obicitur tochmarc Emire deso
- ↑ isint sechtmad LU.
- ↑ isint sechtmad LU.
- ↑ inn é LU.
- ↑ The siglum for m is later: andsu LU. recte
- ↑ An erasure between the first h and i; the mark of aspiration is later: bas áigthidiu ná bas altnidi ná bas athlaimi LU.
- ↑ nā fīach .... luindiu: nó láth bas luinniu ná fiách bas feólchairiu LU.
- ↑ a ǽsa LU., recte
- ↑ ródsá co trián LU.
- ↑ Aspiration added later: cláriud LU.
- ↑ In hord the mark of aspiration is later: hórd esorcthe LU.
