Page:Tain Bo Cuailnge.djvu/24

12

TÁIN BÓ CÚAILNGE

indead^[1] ind fir roscrīb int ogom^[2] nind, ⁊ gēnaidsi deguin duine dīb ria maidin,^[3] mani laa neach ūaib id samlaid.” “Nī hāil dūindi ēm guin duine dīn fochētōir,” ol Ailill. “Regmai for muncind ind feda, .i. Fidduin,^[4] mōir ucut frind aṅdes, ⁊ ni regam tairiseom itir.” Roselgadar^[5] na buidne iarum in fith resna cairpthib.^[6] Iss ed ainm in puirtsin Slechta. ^[7]Sed alios libros so sīs. Iar tīachtain dōib Ḟedaduin co naccadar in carpat ⁊ ingen ālaind and, .i. amal roindisimar remaind tūas scēl Feidelme banḟātha, combad sund in scēlsin, ⁊ combad iarsin ḟrecra doberadsi for Meidb, noslechta in fid .i. “dēca dam,” or Medb, “co bia mo fechtsa.” “Is annso dam ēm,” or indn ingen, “nī rolāim sūil toraib isin fid.” “Is ar bīas ōn,” or Medb; “silsimni in fid didiu amal sin.” Is ed ainm in poirtsin Slechta.^[7] Is and atā Partragi. Feōtar iarum i Cūil Sibrilli .i. i Cenannus.^[8] Ferais snechta mōr forru co fernnu fer ⁊ co drochu carpad.

Ba moch a madan arnabārach do ērgiu. Nīrbo sī sin^[9] adaig robo sāmam^[10] dōib lasin snechta, ⁊ nī airgēnsad^[11] bīada dōib ind adaigsin. Nī fo^[12] moch didiu dolluid Cūchulaind asa bandāil. Anais co foilc ⁊ co fothraic. Dothoet^[13] iarum for lorc int slōig.^[14] “Ní madlodmar^[15] dō,” ol Cūchulaind, “nā mertamar hUltu. Rolēicseom slōg forru cen airius.^[16] Cure airddmes^[17] dūn tarsin slōg,” ol Cūchulaind fri Lōeg, “co fesamar līn int slōig.^[18]” Dognī Lōeg annīsin,^[19] ⁊ asber fri Coinchulaind^[20]: “is mesc lemsa,” olse, “anīsiu, nī ermaissim.” “Nī ba mesc adchiu^[21] acht co rīsa,” ol Cūchulaind. “Tair isin charpat^[22] [18^a] didiu,” or Lōeg. Tēit^[23] Cūchulaind isin charpat^[24] ⁊ focherd airddmius forsin lorc iar cēin mōir. “Cid tussu,” or Lōeg, “nī rēid fort.” “Is assa ēm damsa,” ol Cūchulaind, “oldās daitseo. Air itāat trī būada formsa .i. būaid roisc, ⁊ indtliuchta ⁊ airdmesa. Rolāosa didiu

1. a added later under the line
2. in nogum LU. recte
3. ría mmatain LU.
4. .i. fidduin, which is wanting in LU., is a gloss
5. raselgatár LU.
6. carptib LU.
7. For sed leg. secundum. Here LU. has: Is and atá Partraige. Mad íar narailib immorro dorala andso imacallaim eter Medb ⁊ Fedelm banfáit[h], amal roinnisimar remoind. ⁊ dano is iarsind frecra doratsi for Medb roslechtad in fid, .i. “deca dam,” or Medb, “co bia mo fechtas.” “Is anso dam,” or ind ingen “ni roláim súil toraib isind fid.” “Is ar bías ón,” or Medb; “silsimini in fid.” Dognit[h]er dano anísin, conid sed ainm in puirtsin Slecthta LU.
8. In LU. .i. Cennannas is a gloss
9. hí sin LU.
10. ropa sám LU.
11. ní argénsat LU.
12. po LU.
13. dothǽt LU.; leg. dotét
14. s added later under the line.
15. ní málodmar LU.
16. airḟius LU.
17. airdmius LU.
18. s added later under the line.
19. anísin LU.
20. Coinculaind LU.
21. atchíu LU.; leg. adcichiu?
22. carpat LU.; leg. assin charput?
23. tic LU.
24. carpat LU.; leg. assin charput?