an ingensin," olsē, "for cóic aitirib dēac ar tuideacht in tslūaigid[1]sea." Atamatur a[2] mōirṡeiser ⁊ dam breth da cāch ūadib in cor[3]sin. Tīagait dia dīgail iarum for maccu Ailella i nGlenn Domain. Bātar oc foraire ōn tslōg.[4] Farāith Medb ōn iarum. Farāith in tricha cét na nGailiān, farāith[5] Ailill, farāith[5] Fergus. Docertar and secht cét i nImṡligi Glndi Domain. Is hē Bāngleo Rochada insin ⁊ Imṡligi Gleanndomnach. Rochūalai[6] Findabair annīsin .i. apthain na secht cét triana fochann. Atbail ar ḟēili sin. Is de atā Findabair Slēbe.
Meillgleō nIliach so.
Dolluid chucu iarum hIlech senathair Lōegairi būadaich[7] for Āth Feidli. Lōegaire būadach mac Connaich buidi maic hIliach; būi ica gairi la hūa hi Rāith Impail do foccair dochom in tslūaig[4] co tōetsad[8] a dīgail lais. Is amlaid dolluid, ina charput c[h]retach nimbi cen fogaimen cen fortgai, dī ṡengabair buidi fon c[h]arput crīn ⁊ līnais a charpat nimbi di c[h]lochaib co mbu lān cotici a ḟocharpat.
Asorggad cāch dothēiged dia dēchsain, ossē tarrnocht leburpentol ⁊ in clapar triasin creit sīs. Rāthaigis iarum in slōg indas in toichime[9] dobbert, contibset in fear tarnocht. Is and rochoisc Dōchæ mac Māghach in dæscorslōg ocon chuidmead ⁊ asbertsom fri sudiu tara hēisi, is ē nobered a c[h]laideb ⁊ nobīad a chend de deuth lāi acht imrobrethsom a chumaṅg forsin slōg. Lasodain rāithigestair in smirc[h]omairt. Adfes dō ba do[10] chnāmaib bō nlllad dognīth. Is iarum dognīsom in smirc[h]omairt naile ina farrad,[11] co fil in dī smirummair immaille di chnāmaib [43b] fer Ōlnēcmacht. Gatais Dōcha a chend desom iarum dadaich[12] ⁊ bentai[13] dia huu. Dogēni cairdes fri suidiu ⁊ bāi a c[h]laideb lais. Mellgleō Iliach sin huain(?) condidnatib in slōg.
Airecor[14] narad annso.
Dollotar dochum Thaillten iarum in slōig ataroirthet araid Ulad, trī chōeca a llīn. Dofuitet an trī comlīn leo ⁊ dofuitet
- ↑ s added later above
- ↑ On an erasure
- ↑ Letter erased between cor and sin
- ↑ 4.0 4.1 s added beneath later
- ↑ 5.0 5.1 faraich ms.
- ↑ a letter erased after i
- ↑ buagaich ms.
- ↑ e added beneath later
- ↑ the second i seems later
- ↑ Added later beneath
- ↑ f added later
- ↑ First d inserted later on erasure
- ↑ ⁊ bentai add. ms.
- ↑ One or two letters erased between this word and the next
