Fingin a ndochum, air adcūas do trummi do Choinchulaind ⁊ do Chethern. Tēiti Cūchulaind ara c[h]end. "Foimte dūn Cethern," or Cūchulaind; ⁊ ba dichen, ar romarb cōic leigi dēac ocu. Tēit Fingin cuici. Danēici di chēin. "Cotumaicisi," [41b] ol Cethern, "is tend lim in forgomsa. Citē domrānic?" "Bangal bæthūallach insin," orsin Fingin. "Is dōig bid fīr," ol Cethern. "Domānic ben mǣthainech bānainech lecanḟata chāinmar. Mong finf fuirri ⁊ dā ēn ōir fora gūalaind ⁊ brat tlachtgorm corcarrda hi cennfait[1] impe. Cōicdornn fuillechta di ōr ara druim, crāisech[2] forāith fǣbrach ētrom ina lāim, claideb bendornach[3] īarnaimdæ,[4] ose[5] amulach, is mōr a delb. Ise[6] rombī ⁊ ceta-domthānic.[7]" "Aill amai!" or Cūchulaind, "Meadb Crūachan sin." "Fingal ētrom indūthrachtach inso. Nītbērat,[8]" ol in liaig. "Is fīr," ol Cethernn. "Domānic ōclæch, cromscīath co fǣbar c[h]ondūala fair, sleg cūarrind ina lāim, calcdēt īarnimda, trī tuith[9] fair, brat donn i filliud[10] imbi, delg nargait nand, ruc fuil mbic hūaimsea." Rofetarsa," or Cūchulaind, "Illand mac Fergusa maic Rōig sin." "Galach dā fēindid andso," ol in liaig. "Is fīr," or Cethern. "Damānic dias, dā ḟotalscīath leo, dā ḟīamchalad arcaid for cechtar de, būaile argait im chechtar nāi, dī sleig cūicrindi leu, fethan arggait imppu. Tuid māile foraib, muinchorach nargaid im chec[h]tar nāi." "Rosfetarsa," ol Cūchulaind, "Oll ⁊ Oichne, dā dalta Ailello ⁊ Medba insin." Nīco tīagait a nōindin itir, nach erdalta gona duine bis leo so itē nodgonad. "Domāncadar dā lōech aili didiu," ol Cethern. "Coṅgraim[11] nān neicside[12] foraib, otē ferrnaidi." "Rusfetarsa," ol Cūchulaind. "Bun ⁊ Mecon insin, di sainmuintir ind rīg." "Duba in ḟuilse," ol in liaig. "Dochōtar triat chridi forrtharrsnu, co ndernsat crois de indut. Nī argenus annīcc," ol sē. Fil lim immorro di ḟeib eolais co nāchatbertais. "Dergrūathar dā rīgchailli inso," ol in liaig. "Is fīr," ol Cethern. "Dommānic dias ōicḟēnded, otē findlīatha ⁊ fidc[h]ūach cechtar de is mō," "Fīr," ol Cethern, "dochōid a mbiursa tresind ala nāi." "Rusfetarsa," ol Cūchulaind, "dagōic do mōrthelig Meadba insin. Brōen ⁊ Lāirēne
- ↑ cennḟait ms.
- ↑ Later on erasure.
- ↑ The d had originally been n.
- ↑ leg. īarnimdae
- ↑ leg. os sī
- ↑ leg. is sī
- ↑ the a-d are in lighter ink
- ↑ leg. nītbērad
- ↑ Under this word a later hand has written the letter q, i.e. quaere
- ↑ fuiliud originally, altered later to filliud
- ↑ i added under the line
- ↑ a letter (? either a or q) has been added later beneath n.
H
