Page:Progreso - 3a yaro.pdf/624

594

PROGRESO

167. On konservas moneto, per 8 yes^[1].

168. On adoptas : popo $=$ rusa (greka) sacerdoto ; pupo $=$ dopa parto di navo ; e pupeo vice pupo ; per 8 yes.

169. On adoptas kerlo (II, 709) per 4 yes, 1 no.

170. Pri la propozo di S^o Jespersen (N^o 27, p. 179) on repulsas la 3 unesma paragrafi, per 6, 6 e 5 no, e adoptas la 4^a paragrafo per 3 yes (ceteri absteni) : « En la futura numeri di Progreso indikesos, qua questioni propozesos a la voto di l’Akademio du monati plu tarde ». Konseque, konforme la propozo di S^o Jespersen, « en la duesma numero pos tala anunco la diskuto pri oli deklaresos klozita ».

171. On elektis quale membri di la sub-komitato di redakto di Progreso : Sⁱ de Beaufront (5 voci), Hugon e Schneeberger (3 voci, ek 5 votanti). (Kp. decido 103, p. 387).

172. « Se plura formi (o vorti) propozesas paralele, on povas indikar la grado di sa preferi per fraciono, donante exemple a la formo A 2/3 ed a B 1/3. La voto « indiferenta » kontesas quale egale dividata inter la propozi » (6 yes).

173. « Pri specala (ne omnadia) vorti la Akademio ne volas decidar ante audir kompetenta komitato » (6 yes, 1 no).

174. « Se irga membro en sua respondo alegas nuva argumento o rezono kontre to quo samtempe havis la max multa voti, la Akademio devas revotar pri la questiono pos konoceskir la nuva argumenti » (6 yes).

La sekretario,

L. Couturat.

Yen quale on definis (en la cirkuleri di l’Akademio) la rolo e funcionado di la sub-komitato di redakto di Progreso (decidi 103 e 171)^[2] :

« 1. En kazi en qui la redaktisto di Progreso dubas, kad ula artiklo esas insertinda o ne, il konsultas la sub-komitato di redakto, qua decidas l’inserto o ne-inserto. L’autoro darfas apelar a l’Akademio en kazo di ne-inserto.

» 2. L’Akademio tota esas konsiderata quale komitato di redakto, konsultenda, sive en grava kazi, sive en kazo di apelo.

» 3. La redaktisto darfas rezumar l’artikli tro longa por insertesar integre.

» 4. Se l’autoro di artiklo ne insertita o ne integre insertita deziras komunikar ol a l’Akademio (quo esas necesa en kazo di apelo), lu devas furnisar a la sekretario tam multa kopiuri tipo-

1. N. B. moneto esas nule derivajo de mono, qua esis vicigata per pekunio (decido 78, p. 386).
2. Komp. N^o 27, p. 180.