Pekario [DEFIRS] D. pekari, pekarin ; E. peccary ; F. pécari ; I. pecari ; R. pekari ; S. pecari ; L. Dicotyles torquatus e D. labiatus.
Perquizito [EFIS] D. Nachsuchung ; E. F. perquisition ; I. perquisizione ; S. perquisicion. — Legala, judikistala serchado ; figurale, tre severa ed exakta serchado, generale malbonvola o suspektema. Verbo : perquizitar facar perquizito o perquiziti.
Serono [DEFIS] D. Serone ; E. seron, seroon ; F. céron, suron, serron ; I. suron ; S. zurrón.
Skeno [E] D. Gebinde, Strähne ; E. skein ; F. écheveau ; I. matassa ; S. madeja. — Ico esas nek volvajo, nek spulajo, nek fasko, ma specala aranjo di filo ; do specala termino esas necesa, adminime teknikale.
Sorgo (botan.) [DEFIS] D. sorgho ; E. sorghum, sorgo ; F. sorgho, sorgo ; I. sorgo ; S. zahina, sorgo ; L. sorghum vulgare.
Temprar [EFIS] E. paint in distemper ; F. peindre en détrempe. — Tempro D. Wasserfarbe ; E. distemper ; F. détrempe ; I. tempra ; S. temple.
Vaskulo (biol.) [DEFIS] D. Gefäss ; E. vessel ; F. vaisseau ; I. S. vaso. — Ica radiko esas tre internaciona per l’adjektivo derivata : D. vaskulär, E. vascular, F. vasculaire, ed altri (vasculeux, vascularité, vascularisation, e c.). — Altri propozas uzar vazo en ica senco, pro ke on havas anke la kompozaji internaciona : vaso-moteur, vaso-dilatation, vaso-constriction.
Zebuo (zool.) [DEFIS] D. E. zebu ; F. zébu ; I. zebù ; S. cebu ; L. Bos indicus, Bibos indicus.
N.B. : La diskuto pri la supera vorti, e pri omna vorti ante propozita, esos klozata en No 35. Omna artiklo devas referar la pagino o pagini, ube la sama questiono esis ja diskutata.
Unu de nia amiki astonesis pri la nuva regulo di acentizo, qua semblas ad il komplikita ; il preferus regulo tote uniforma, exemple : l’acento sempre sur la prelasta silabo ; ed il qualifikas ecepti omna deviaco de ta simplega regulo. Altru rimarkas nur, ke la nuva regulo donas a kelka vorti acentizo ne « naturala ».
A to ni respondos : 1a ke la regulo di acentizo esis longe diskutata hike, ante la decido di l’Akademio, qua rezultis de ta diskutado ipsa ; 2a ke nula regulo di acentizo povas sequar la naturala acentizo, pro ke ca acentizo esas senregula (t. e. sen uniforma regulo) ; 3a ke nula regulo di acentizo povas kontentigar omna populi, pro ke l’acento varias, por la sama vorti, segun la lingui. On devas agnoskar, ke la nuva regulo konstitucas granda simpligo en l’ortografio, per ke ol unigas la finali ‑io, ‑yo, inter qui on ofte hezitis e dubis, segun l’atesto di multi. Ol esas do reala simpligo ed uniformigo.
