- 26 - rèja. Kalamon abirdji' okara rampèt ija pada bai, da'- ada'na èsa-pèsa ladju terrangngagi birdji'anna tong-par- sèttongnga okara barga. 30. Mon abirdji' okara, tarkadang bada otja' sè ta' ètoro' agi, akanta è, ka', pasar satèja ma' rammè barija ! Eban ka', ta' osa ètoro' agi. Laèn dari djarèja bada polè akanta è, ka, da' (otja' lantaran); lamon, kalamon (otja' sambungan). MARDIKA! III. ATOR PANOTO P. Karengga hormat. Mènangka panotop, rassana parlo djuga èatorragi bab è baba panèka : 1. 2. Kasokana ngoladi bab okara bagijan B sareng C. Kompolanna okara nonggal, ènjamaè okara rangkè'. Otja' rangkè' panèka ngala' kèjas dari rang-barang (akadija: korsè, koper, pettè) sè èalèr (èrangkè') mabi talè. Okara nonggal, sè djeddjerra otaba tjarètana (wa'-duwa') langkong dari sèttong, ènjamaè okara nonggal rèntèng. Otja' rèntèng panèka ngala' kèjas dari rèntènganna mer- tjon otaba lèng-tjèlèngan, opamana. 3. Okara rangkè', sè kadaddijan dari ra-okara nonggal sè pada kobasana, ènggi panèka sè sèttong ta' daddi kater- ranganna sèttongnga, ènjamaè okara rampèt. Otja' ram- pèt panèka ngala' kèjas dari sanapan (op.) sè mabi lup daduwa' (sanapan aellup rampèt).
