27. Tja'-otja' apanotèng a.
a. Adjama........... dja' sakènga adjam. *)
b. Entara......... bakal èntar.
28: Tja'-otja' apanotèng an.
a. Demmangan...... enggunna demmang.
b. Koburan....kennengnganna ngobur.
c. Tèmbangan........ parabut nèmbang.
d. Kakanan.....pa-apa sè lumbra èkakan, tapè kalaban èola, nangèng bannè na- sè', djuko' ban kowana; kapprana èkagabaj tambul. Kakanan = djadjan; daddi ta' sakabbijanna sè kennèng kakan, anjama kakanan. e. .......Tolèsan..lè-ollèna nolès, daddina kalaban ètolès.
f. Mèra'an...........lebbi mèra
g. Bangalan.....abatek bangal.
h. Takerdjadan...... gampang (ampo) takerdjat.
i. Entaran.... seggut èntar. j. Manèsan.….………………..pa-apa sè èpadaddi arassa manès.
29. Otja' asal, kalamon èpanotèngè è otaba agi, djarèja bila èpadaddi ogerra tjarètana okara, okara gella' anjata'agi pasoro, opama: tolèsè njamana! tokollagi tongkedda !
30. Tja'-otja' apanotèng en. a. Gudigen.............. temmo panjakèt gudik. b. Pettengngen...... arassa petteng.
31. Otja' tanduk apanotèng è. a. Magari........ masangè pagar. b. Ngorongè............ njaba' ka otaba è dalem korong. c. Njampèrè........... nganggujjagi sampèr da' orèng laèn.
- ) Lebbi terrang, mon è ada'na èpasangè dja' (dja' adjama).
