Mon sèngko mofakat kana' arèja èpassra'aghi ka roma boeta tènèmbhäng neng-enneng è bengkona tadă' lakona, tjoma èntar abhoeroe maèn." Samarèna djărèja towan Kontrolir pas ghoebǎr.
Rèng-orèng è dhisa djaḍijă bănnja' sè tao mon towan Kontrolir kongsè abit sè alongghoe è bengkona èparra Achmad, molana padă terro taoa apa sè dhăddhi parlona. Sapongkorra towan Kontrolir rèng-orèng djárèja ngèlèr èntar ḍa' bengkona èparra Achmad kongsè mossa'è ampèr adă'na, băḍă sè atanja bărinna':
"Abălă apa towan Kontrolir bhoeroe?" băḍă polè: "Apa parlona towan Kontrolir èntar da anna'?" ladj hoe todjoe' ngèdingngaghia berta. Eparra Achmad ladjhoe njarèta'aghi apa sè la èdhăboeăghi bi' towan Kontrolír bhab roma boeta bhoeroe; mon Achmad soka' èpèjara è dissa, tanto dhǎddhi ontongnga, sabab è ḍissa èadjhari alalakon sarta èpasakola; kakan bån angghoejja ta' korang. Tapè rèng-orèng sè bhoeḍhoe pas akèpek sambi njè-ngènjè, otja'na: ,,La, Mad, djhă' èntar, ma' tjèk lètjèk ghǎlloe, njama orèng boeta kennèng èadjhări alalakon, apa polè èpasakola. Djhoe maso' ka akkal tjatja dǎ'bărijă.
Achmad neng-enneng, ta' tja'-ngotja', tapè kèr-pèkkèran; bit-abit pas ngotja' bi'-dhibi'an: "Saongghoena sèngko' tje' bhoengana towan Kontrolir la raboe ḍă' ănna' adhăboeǎghi bhab roma boeta djărèja; robana ngèmanè sèngko'; èsak ongghoe towan rowa. Sèngko' partjadja terros ka atè apa sè èdhaboeăghi ghella', sarta sèngko' amastèaghi, djhǎ' towan rowa ta' kèra sè lètjèka. Apa polè sèngko' partjadjă, mon bhăngsa Bălăndhă aghăbăj roma boeta kennengngan pamèjara'anna orèng boeta, sè kèn-mèskèn, ollèa adjhär pangghäbajan sè ahèrra kennèng èangghoej njarè pangorèpan; amarghă dări djǎrèja sèngko' tjè' kentjengnga èntara ḍă' ǎssa.
