ta' kaotja'a lessona, tapè sèngko' ijă ta' sakalè-kalè ango'-ngo'an, sabăb kala djărèja kabhenḍerran băḍa mèn-rammèn, ijă arèja salamettan ngatorè dha'ar Sanghijang Bromo, tja'na orèng Tengger, ènjamaè ,,kasaḍhăn" dhǎddhi sèngko ollè nèngghoe."
Kadir pas atanja: ,,Kadhi ponapa tjarana? njo'on ètjarèta'aghi!" Ghoeroena nerrossaghi tjarètana: ,,Ghoenong Bromo rèja ghoenong apoj, kabǎna sasat taḍă' amboena sè makalowar okos. Orèng Tengger tjè' tako'na; mon nangalè okos djǎrèja, èsangghoe ghoenong Bromo seddhi ḍă' aba'na; sopadjă sabbhără, sataon sakalèjan ètor-atorè, ijă arèja èsalamettè; băktona sè asalamettan è mosèm kapèng ḍoebellǎs otabǎ ,,soḍo", molana salamettanna ènjamaè ,,kasaḍhan."
È nalèka djărèja, pokol 6 ghi' lagghoe, rèng-orèng è ḍissa mangkat ka pèngghirrà tasè' beḍḍhi, ngènep samalem. Kalagghoeănna ghi' lagghoe paḍă modjhä, kerana mènta salamet ḍă' sanghjang Bromo. Bhăreng ra-kèra pokol sanga' ladjhoe nabbhoe tabbhoeăn. Orèng lalakè'na paḍă èntar ka kabana ghoenong Bromo njabbhoer sasadjhin arobă pèssè, adjăm, tjètakka kerbhoej; dhinèng dhaghingnga èangghoej salamettan. Saellana paḍă momodjhǎ è djǎḍijă, ladjhoe abăli ka kennengnganna mènrammèn. Abiddha sè aghăbăj mèn-rammèn djărèja kongsè tello arè. Orèng lakè' binè', towa ngoḍă, na'-kana', kaskas, noro kasadhan kakabbhi."
,,Manabi sapanèka, pasèra sè atoghoe bengkona ?" tja'na Ali.
,,Taḍă se atoghoe, èsoboengngaghi bhǎi."
,,Ponapa ta' kobǎtèr èlebbhoenè malèng?"
,,Endja', sabăb è ḍissa taḍa' malèng; orèng Tengger rèja taḍă' sè ghellem mamalèng. La-mala labăngnga ta' tao èkantjèng. Mon bădjă malem pèra' èèntep, endjǎ' ta'
